Page 80 - Untitled

дьыты аһаппакка таһаарбат, ирэ-хото сэлэһэн, өссө кэһиилээн
ыытар эдьиий буоллаҕа дии.
Үлэлии үөрэммит киһи син биир оннугунан хаалар. Екатери­
на Сидоровна билигин да таах олорбот, араас уопсастыбаннай
түмсүүлэргэ, тэрээһиннэргэ кыттыыны ылар, салайсар. Роза
биирдэ: «Эн Катя курдуккун. Эрдэ соҕус киин сир диэки кэлби-
тиҥ буоллар, кини эйигин атын эйгэҕэ киллэриэ этэ», — диэн
куолаһын аччатан эппиттээҕэ. Ити этии туох ис хоһооннооҕун
билбэтэрбин да, киниэхэ майгыннаппытыгар бүтэйдии испэр
үөрэ санаабыттаахпын. Тыл үөрэхтээҕэ буоламмын быһыы-
лаах, биирдэ эмэ маны аах, хайдаҕый, көннөр диэн тиэкис
ыыттаҕына, үөрүүнэн толоробун. Ол мин көннөрөр тиэкистэ-
рим буолуохтара дуо, көннөрү ааҕабын эрэ буоллаҕа дии уонна
көмөлөспүт курдук сананабын. Быыбар үлэтигэр аҕытаассы-
йаҕа кытыннарбыта, өссө хамнастаабыта. Биирдэ «АЛРОСА»
дьиэтигэр быыбар мунньаҕар ыҥыран сырытыннарбытыгар,
ыраахтан эрэ көрөр үрдүк дуоһунастаах дьону кытта биир
остуолга олорон турардаахпын. Быыбар кэннэ «Якутия» диэн
хас эмэ киилэ ыарахан ыйааһыннаах кинигэни бэлэхтээбитэ.
Эдьиийдэр, уопсайынан, кинигэни сыаналыыр, элбэҕи аахпыт,
киэҥбилиилээхдьон, инньэ гынан кинилэр кинигэ баайдарыт-
тан балачча тиксибит дьоллоохпут.
Эдьиийим Катя өссө биир уратытын чорботон бэлиэтиэхпин
баҕарабын. Олоҕор көрсүбүт чугас дьүөгэтэ Валентинаны кытта
эдэрдэриттэн билиҥҥэ диэри ыкса сибээстэрин ыһыктыбакка
кэллилэр. Бу ыраах Алтаайга олорор нуучча дьүөгэтин сылы
көтүппэккэ көрсөр-атаарар, бэйэтэ ыалдьыттыы тиийэр. Ыраа-
ҕы билиммэт, айаны аахсыбат тулхадыйбат доҕордоһуу күүһэ
үгүстэргэ холобур буолар дии саныыбын.
Бэйэтин кэмин геройа диэн өйдөбүл баар. Екатерина Си­
доровна маннык быһаарыыга толору барсар киһи диэм этэ.
Ханнык да кэм буоллун, олоҕу хайдах баарынан ылынан, кини
угуттуур күүһүгэр бигэнэн, тулалыыр эйгэ, быһыы-майгы үтүө
өрүтүн чорботон, ону дьонугар-сэргэтигэр тиэрдэ сатыыр мөк-
80