Page 78 - Untitled

ҮТҮӨ ХОЛОБУР

Бу дойдуга айыллан кэлэрбитигэр бары
биир тэҥ курдукпут. Киһи киһиттэн уратыта
да, дьиҥэр, суоҕун кэриэтэ. Биһиги олохпут
анала, сыалбыт-сорукпут, баҕарар баҕабыт
биир курдук. Киһи барахсан төрөппүттэрин,
үөскээбит сирин-уотун эрэ буолбакка, кини
бүтүн омугун ааттатар ытык иэстээх.
Оҕо, эдэр сааһыттан саҕалаан араас са-
лайар үлэҕэ миккиллэн, төрөөбүт норуо-
тун ыар олоҕун ханнык эмэ өттүнэн чэпчэ-
тэр туһунан бүөбэйдээн илдьэ сылдьыбыт күүстээх санаатын,
олоххо тапталын, дьулуурун сөҕүрэппэтэх киһинэн мин Уус
Алдан улууһун уһук Түүлээх нэһилиэгиттэн төрүттээх эһэ-
бинэн эдьиийим Екатерина Сидоровна Васильеваны ааттыам
этэ. Кини эһэтэ Уйбаан уонна биһиги эһэбит Охонооһой бииргэ
төрөөбүт дьон.
Уйбаан оҕонньору өйдүүбүн, биһигиттэн чугас олорор Маа-
йалаахха сылдьар этибит, дьоммут кус, балык ыыталлары-
гар былдьаһыгынан барааччыбыт. Уйбаан оччолорго номнуо
көрөрүттэн мэлийбит, улахан уҥуохтаах оҕонньор этэ. Оттон
Түүлээхтэн эрдэ барбыт оҕолорун, сиэннэрин бастаан сирэй
билбэт этим, арай кини Сиидэр Уйбаанабыс диэн куруутун
ытыктабыллаахтык ааттанар уолун кыыһа Катя Тааттаҕа са-
лайар үлэҕэ сылдьарын киэн тутта кэпсэтэллэрин истээччибин.
1989 сыллаахха СГУ саха салаатын бүтэрэн, Өймөкөөн
улууһун Үчүгэй орто оскуолатыгар ананан тиийбитим. Туе хоту,
дойду түгэҕэр кэллим дии санаабытым. Бөһүөлэк кыра, урукку-
та уопсай дьиэни ситэтэ суох орто оскуолаҕа диэн былырыын
эрэ аспыттар эбит, инньэ гынан оҕолорун 70 километр тэйич-
чи Томторго ыытан үөрэттэрэр олохтоохтор үөрбүттэр, сүргэ-
лэрэ көтөҕүллүбүт. Биһигини, эдэр учууталлары, ыалларынан
78