Page 76 - Untitled

Биир умнуллубаттүгэнинэн биһиги Тааттаҕа үлэлиир кэмми-
тигэр ССРС Үрдүкү Сэбиэтигэр норуодунай дьокутааты талыы
буолбута. Ол быыбарга Таатта, Чурапчы, Амма улуустарыттан
биир дьокутаат талыллыбыта. Бары да дьоһун хандьыдааттар
этэ. Дьэ бу быыбарга, быыбар иннинээҕи аҕытаассыйаҕа Ека­
терина Сидоровна салалтатынан күүстээх үлэ ыытыллан, Таат-
таттан нуучча тылын учуутала А.В. Белина норуот дьокутаатын
аатын ылан, таһаарыылаахтык үлэлээбитэ.
Екатерина Сидоровна Таатгаҕа үлэлии кэлбитигэр ийэтэ
Александра Петровна, быраата Иннокентий Сидорович дьиэ
кэргэнинэн көһөн кэлэн, Ытык Күөлгэ үлэлээбиттэрэ, олорбут-
тара. Кеша — «Сельхозтехника» тэрилтэтигэр, кийиит Маша
улуустааҕы ветеринарнай управлениеҕа үлэлээбиттэрэ.
Биһиги Сиидэрэбинэлиин наһаа түргэнник биир тылы бу­
лан, күн бүгүнүгэр диэри сибээстэһэ сылдьабыт. Мин кэргэним
Кирилл Ильич Екатерина Сидоровнаны наһаа сөбүлүүр этэ.
Кини баар эрдэҕинэ, саас ахсын Сиидэрэбинэ Объездной шос-
сеҕа баар даачатын сайын көһөн тахсалларыгар бэлэмниирбит.
Куораттааҕы дьиэлэригэр элбэхтик сылдьан хоммуппут, ки-
нилэр сылаас үүттээх чэйдэрин, минньигэс аһылыктарын ам-
сайбыппыт. Кэргэним ыарахан ыарыыттан бу орто дойдуттан
күрэммитигэр Екатерина Сидоровна биһиги дьиэ кэргэҥҥэ
улахан көмөнү оҥорбута. Ол кэмҥэ оҕом Настя саҥа түөрдүн
эрэ ааспыт детсад киһитэ этэ. Сидоровна суоппара оҕобун
детсадтан ылан, киэһэтин аны ДьПУ-2 дьиэтигэр бэлэмнэнии
куурсугар илдьэрэ, онтон бүттэҕинэ киэһэ дьиэтигэр аҕалара.
Аны детсадтан ылан баран эбээ Розата дьиэтигэр аһатар уонна
подготовкатыгар таһаарар, бүттэҕинэ таҥыннаран баран мас-
сыынанан дьиэтигэр ыытар. Ити курдук олус үчүгэйдик кыһал-
лан, ис сүрэхтэриттэн бүөбэйдииллэрэ.
Екатерина Сидоровна төһөлөөх элбэх киһиэхэ итинник кө-
мөлөспүтүн ааҕан да сиппэтиҥ буолуо. Арааһынай кыһалҕанан
тахсыбыт дьоҥҥэ барыларыгар сөптөөх таһымҥа көмөлөһөрө.
Ханныкда үрдүкү дуоһунаска олордор, биир да кэмҥэ улаатым-

76