Page 77 - Untitled

сыйбакка, барыларыгар биир тэҥник сыһыаннаһара. Тыа дьо-
но ыарытыйдахтарына, балыыһаҕа көрдөрөллөрүгэр толуон
ылыыта, балыыһаҕа миэстэ булуу, устудьуон оҕолору уопсайга
кэпсэтэн киллэрии, ким эрэ оҕотугар детсадка миэстэ булуу,
соҕуруу куораттарга, биллэр клиникаларга көрдөрө, эмтэнэ ба-
рарга сөмөлүөккэ билиэт көрдөөһүнэ, ыччаттары төлөбүрдээх
үөрэхтэн бүддьүөт миэстэтигэр көһөрүү, кимиэхэ эрэ идэтинэн
үлэ булан биэрии онтон да атын киһи ааҕан сиппэт боппуруос-
тарын уталыппакка быһаарарга дьулуһара.
Кини эмиэ бэйэтин курдук дойдуларыгар олус бэриниилээх,
үрдүк култууралаах үлэһит, салайааччы үтүөтэ доҕоттордоох,
дьүөгэлэрдээх.
Екатерина Сидоровна олус элбэхтик ааҕар, мэлдьитин ки-
нигэ тутуурдаах, кинигэ ааҕа сылдьар киһи. Хаһыат, сурунаал
аахпатах күнэ суох буолуохтаах.
Мин кининэн сирэйдээн бииргэ төрөөбүттэрин барыларын
билэбин уонна кинилэргэ барыларыгар сылдьан, ийэлии-аҕа-
лыы истиҥ сыһыаны көрбүтүм. Ийэлэрэ Александра Петровна
дьиҥнээх саха далбар хотуна этэ. Ис-иһиттэн сырдыгынан сы-
дьаайан, бар дьонугар мэлдьитин кэрэни эрэ кэрэһилиир ытык
киһи быһыытынан өйдөөн хаалбыппын.
Роза Сидоровналыын Екатерина Сидоровна табаарыстарын
кытары мин оҕом Настялыын Кытайга наһаа үчүгэйдик сын-
ньанан, күүлэйдээн кэлбиппит.
Екатерина Сидоровна дьүөгэтэ Валентина дьүөгэлэрин кы­
тары Камчаткаттан күүлэйдии кэлэ сылдьан, сайын Тааттаҕа
Кыйыга биһиги дьоммутугар тахсан сынньанан киирбиттэрэ.
Ыалдьыттар Чөркөөх музейын көрөн, Таатта кэрэ айылҕатыгар
сынньанан, олус дуоһуйан барбыттара.
Акулина Васильевна Попова,
тыа хаһаайыстыбатын наукатын хандъыдаата,
Саха Өрөспуубулукэтээҕи тыа хаһаайыстыбатын утуөлээх улэһитэ

77