Page 90 - Николай Кривошапкин. Алгыһынан арчыламмыт аартык
P. 90
Николай КРИВОШАПКИН 78
Кэмиттэн кэмигэр нэһилиэк уонна сопхуос хамаан-
даларын икки ардыларыгар күрэхтэһии боҕо буолара.
Спортивнай саалаҕа киһи «лыык» курдук мустара.
Күрэхтэһиилэр олус тыҥааһыннаахтык бараллара,
дьон-сэргэ күнү-күннүктээн да сүһүоҕэр туран эрэ
сэҥээрэн короро, бэйэтин киһитигэр «ыалдьара». Дьэ
манна Филипп Петрович спортивнай комментатор бы-
һыытынан талаана арыллыбыта. Сарсыардаттан киэһэ
хойукка диэри күрэхтэһии эриирдээх, интэриэһинэй
тугэннэрин, спортсменнар торуттэригэр-уустарыгар
тиийэ быыстала суох билиһиннэрэн, туох ситиһии-
лээхтэрин киһи эрэ иһиттэр истиэн курдук кэпсиирэ.
Филипп Петрович биир эмэ күрэхтэһиигэ улэтигэр
тутуллан дуу, киин сиргэ наадаҕа, дьыалаҕа-куолуга
киирэн дуу суох буоллаҕына, бэл күон корсүһүүбүт
бытаарбыкка, сымсаабыкка, «уота-күүһэ» умуллубук-
ка дылы буолара», — диир уонна кулэн сэгэлдьийэр
Полина Петровна.
Коммунистическай тыыннаах субуотунньуктар тэ-
рээһиннэрэ нэһилиэк таһымытар туһугар туспа сүҥ-
кэн сугулаан буолаллара. Олох ити күннэргэ биирдэ
тохтоон хаалбыкка дылы буоларын, барыта субуотун-
ньук эрэ тула эргийэрин соморсуннар күн бүгүҥҥэ
диэри уос номоҕо оҥостоллор. Оскуола үорэнээччи-
лэрэ, учууталлара, тэрилтэлэр үлэһиттэрэ, быһата, ту-
рар-турбат, эдэр-эмэн бүттүүнэ биригээдэлэргэ хайда-
ра. Эрбии тыаһа-ууһа ыраахтан дьикти дьүрүскэннээх
ылбаҕай ырыа курдук эйээрэн иһиллэрэ. Күргүөмнээх
үлэ кэмигэр нэһилиэк уулуссалара кыһыл плакатта-
рынан кыыһара, аһыыр сиргэ күрэхтэһии хаамыыта
ырылыччы костор хаһыата тута тахса турара. Дьэ маны
барытын, биллэн турар, Филипп Петрович иилээн-са-
ҕалаан ыытара.
