Page 108 - Ульяна Винокурова. Е. П. Жирков Сайдыы суолун солоон...

II түһүмэх. Өркөн өй күүһэ

интэриэһин кытта дьүөрэлэһэрин курдук сокуон
оҥоһулларыгар кыһаллабын. Үсүһүнэн, үөрэх эйгэ-
тин, эдэр көлүөнэ иитиллэн тахсарыгар сыһыаннаах
бэйэм турук санааларбын олоххо киллэрэргэ өйбүн-са-
наабын уурдум, өссө да ууруом, туруорсуом турдаҕа.
Ааспыт балтараа сылтан ордук кэмҥэ депутат
быһыытынан кэккэ ситиһиилээхпин. 1994 сыллаахха
биһиги республикабыт ситиспит ситиһиитин мөлтөтөр
икки докумуон, уураах тахсаары гыммытын сорунан
туран утарсыбытым уонна олоххо киирбэтин ситиспи-
тим диэхпин сөп. Ол биирэ — нолуогу федеральнай
фондаҕа биэрбэт республикаларга кытаанах миэрэни
туттуу туһунан этэ, иккиһэ — туспа льготалаах субъек-
тар, республикалар тас дойдулары кытары эргиниилэ-
рин бопсуохха, сотуохха диэн этии киирбитин тохтоп-
пуппут. Ити соҕотох мин күүспүнэн, куоласпынан
буолбакка, депутатскай группалары кытары кэпсэ-
тиһэн, тылбар киллэрэн, кинилэр өйөбүллэрин ситис-
питим түмүгэ буолар.

Дьыала киһитэ
Т.Петрова. “Саха сирэ”, 1995.12.04.
Биһиги тыл дьонобут — Жирков дьыала киһитэ.
Биһиги мунньахха туран тыл эттибит да бүтэбит,
оҥоруохпутун оҥордубут дии саныыбыт — Жирков ту-
гу эппитин дьоҥҥо сэлээннээбэккэ, илиитин-атаҕын
кэтэспэккэ, бэйэтэ тутан-хабан оҥорор, тиһэҕэр тири-
эрдэр, сүһүөҕэр туруорар дьоҕурдаах киһи.
Урут да эппит этии, баҕарбыт баҕа олоххо киирэрэ
элбэх эрэдээктээх буолара. Төһөлөөх өйдөөх үтүө тыл,
кэрэ кэскиллээх этии кураанах кумааҕыга хаалбыта,
дорҕоон буолан сүппүтэ буолуой? Оттон билиҥҥи
иэмэ-дьаама биллибэт кэмҥэ ол уон төгүл уустугур-
бута чуолкай.

104