Page 109 - Ульяна Винокурова. Е. П. Жирков Сайдыы суолун солоон...

Саҥа суол саҕаланыытэ

Оннооҕор биир кыра ыспыраапканы ыларга төһө
кэлиэххэ-барыахха, хас киһи сирэйин-хараҕын кэтиэх-
хэ наадатын киһи үксэ да билэр ини. Оттон Концеп-
ция курдук далааһыннаах дьыаланы олоххо киллэрэргэ
үгүс үктэли тахсыахха, элбэх мэһэйи туоруохха наада
этэ. Уопсайынан даҕаны, бэрт кыра да суолу ситиһэргэ
хаһан, ханна, туох буолуон эрдэттэн өтө көрөн, суолун-
ииһин тыыран, алларааттан үөһээҥҥэ тиийэ тэрилтэ
дьонун булан кэпсэтиэххэ, суругун-бичигин бэлэм-
ниэххэ, этэргэ дылы, илии баттата, бэчээт уурдара
охсуохха наада эбит. Билиҥҥи “сайдыылаах бюрокра-
тия” үйэтигэр үрдүкү салайааччы сорудах биэрэ или-
гинэ биир да тэрилтэ, биир да киһи тарбаҕын да
хамсатыа суоҕа.
Ону бэркэ билэр буолан, Егор Петрович тус бэ-
йэтэ сүүрэн-көтөн, кэпсэтэн-бэлэмнээн, биир сыл
иһигэр республикатааҕы конференцияттан Президент
таһымыгар тиийэ Концепцияҕа сыһыаннаах 5 уураах,
1 ыйаах, 1 быһаарыы, 1 резолюция тахсарын хааччый-
быта. Ол эрэ түмүгэр Концепция олоххо киирэр суола
арыллыбыта!
Ити барыта механизм реализации диэн ааттанар.
Хайдах да бэйэлээх соргулаах Сокуон, улахан
Уураах, кэскиллээх кэпсэтии оннук механизма кыай-
тарбатаҕына, хардыы да халбарыйбакка, остуол
дьааһыгар хас баҕарар сыл сытыан сөп. Ол хобдох хо-
лобура саха тылын государственнай статуһа буоллаҕа...

* * *
Е.П.Жирков концепция идеялара олоххо киирэр
механизмын бары өттүтгэн толкуйдаан, үөрэх минист-
рэ буолан олорон, бэйэтэ тутан-хабан, бигэ акылааты
түһэрбитэ.
Бастакыта, үөрэтии-иитии научнай өттүн хааччы-
йарга Төрүт омуктар оскуолаларын чинчийэр институт,

105