Page 106 - Ульяна Винокурова. Е. П. Жирков Сайдыы суолун солоон...

II түһүмэх. Өркөн өй күүһэ

Саха киһитэ төрүөҕүттэн бөлүһүөк дииллэр, ол да
иһин буолуо, дойдуга буола турар араас быһыыга-май-
гыга эмиэ киирэн тахсарбыт. Ордук биһиги республи-
кабыт инникитин, кэскилин туһунан санаа атастаһар-
быт, ол быыһыгар саха тыла, омук дьылҕата эмиэ таа-
рыллара. Онтон сахалыы тылынан үөрэх кинигэлэрин
таһаарар санаа үөскээбитэ. Дьону бу сүрүн хайысхаҕа
түмэр баҕа санаа чуолкайдаммыта. Концепция идеята
сүрүннээн оннук кэпсэтиһиигэ, ол санааларга ти-
рэҕирэн чөкөтүллүбүтэ диэххэ сөп.
Уонна учууталлыы сылдьаммын Алампа төрөөбүт
күнүгэр ыытыллыбыт икки түһүлгэҕэ сылдьыбытым.
Онтон ситимнэнэн аны бэйэм көҕүлээн, Алампа,
Өксөкүлээх күннэрин ыыппытым, биэчэр тэрийбитим.
Бу дьон олоххо тардыһыылара, дириҥ философиялара
мин дууһабар ол онно арыллыбыта.
Ханнык да омук омук буолан үөскүүрэ — ол айылҕа
сокуона. Ол аата саха омук, ахсаана мөлүйүөн аҥарын
кыайбат, төһө да аҕыйах буоллар туспа дьылҕалаах,
сайдар, сириэдийэр тускуллаах. Дьэ, ол иһин ити саха-
лыы оскуола концепцията мин өйбөр-санаабар ди-
риҥник олохсуйбута. Мин саныырбынан, тылбытын
сүтэриэ суохтаахпыт, куппут-сүрбүт бу тылбытыгар
сылдьар. Биһиги тыа сириттэн силистээх буоламмыт,
сүрүн тутулукпутун ыһыктыбакка олорорбутун дьол
дии саныыбын, оттон дьолбут уһун үйэлээх буоларын
туһугар үлэлиэххэ наада. Мин санаам философията
итини кытары бииргэ алтыһар.
- Егор Петрович, эн олоҕуҥ кэрчиктэрин көрдөххө,
тус олоххор дьоллоох киһигин. Ону туох диэҥ этэй?
- Мин санаам хоту олоробун диибин. Бэйэтин ту-
рук санаатыттан тэйбэккэ сылдьар киһи, сүрүн санаа-
тын уларыппакка олорор киһи дьоллоох киһи ахсааны-
гар киирсиэн сөп буолуо. Кырдьык, куһаҕана суохтук

102