Page 44 - Ульяна Винокурова. Е. П. Жирков Сайдыы суолун солоон...

I түһүмэх. Көнөр көҥүлү көрдөөн

буолбакка, Сибиирдээҕи, Арҕааҥы, Киин о.д.а. региоҥҥа
үллэрбиттэрин дьиибэргээбитим. Тэрийэр комитет үлэтигэр
бастакыттан кыттыспытынан барбытым. Комитеппыт түөрт
комиссиялааҕа. Күн аайы Кремльгэ Президент аппаратын
салайааччыта Филатов салалтатынан мунньахтыыр этибит.
Комитеттары тэрийэргэ национальнай республикаларга
улахан болҕомто уурбаттара көстүбүтэ. Россия регионнарын
кытта үлэҕэ национальнай политика төрүт ахтыллыбат да
этэ. Хаста да тыл этэн, этии киллэрэн, комитет аатыгар “на-
циональнай политикаҕа” диэн тылы эбии киллэртэрбитим”.
Е.П.Жирков кандидатуратын Госдума председате-
лин солбуйааччы дуоһунаһыгар туруорбуттара. Альтер-
нативнай куоластааһыҥҥа албан аатын өрөгөйүгэр
сылдьар Артур Чилингаровка түөрт куолаһынан хот-
торбута. “Регионы России” диэн депутатскай фракция
исполкомун чилиэнинэн талыллыбыта. Ханнык да по-
литическай бөлөхтөһүүгэ киирсибэтэҕэ, ол кэлин бэ-
йэтэ туруорсар боппуруостарыгар биир санаалаахтарын
түмэригэр туһалаах буолбута.
Госдумаҕа талыллан кэлбит сыалын-соругун си-
тиһэргэ кини чороҥ соҕотох туран хаалбакка, “Саҥа ре-
гиональнай политика” диэн депутатскай бөлөҕү тэрий-
сибитэ. Бу хайа да партия политикатын батыспат, Гос-
думаҕа балачча бырыһыаны ылар Москва, атын да
киин куораттар депутаттарын быыһыгар уһук-кыраай
дойдулар аҕыйах депутаттарын түмэр соҕотох бөлөх
этэ. Аата да этэрин курдук, бөлөх Российскай Федера-
ция “биир өлүүгэ өлбүт” регионнарын интэриэһин
көмүскүүр туһугар үлэлиирэ.
Е.П.Жирков Госдумаҕа депутат буолан туран, Саха
Республикатын Конституциятын Россия таһымынан
бөҕөргөтөргө болҕомтотун үс хайысхаҕа түмпүтэ:
- бастакыта — федерацияҕа үп-харчы, бюджет
сыһыаннаһыыта;
- иккиһэ - үөрэҕирии федеральнай политикатын
чопчулааһын;

40