Page 84 - Ульяна Винокурова. Е. П. Жирков Сайдыы суолун солоон...

I түһүмэх. Көнөр көҥүлү көрдөөн

нааларын уурбут оннук дьон, атын да дьыалаҕа салгыы
турунан, син биир үлэ-хамнас үөһүгэр сылдьаллар.
Ол курдук Егор Петрович Жирков Государствен-
най Дума быыбарыгар хотторон баран, балаһыанньа да
быһыытынан үөрэҕирии салалтатыгар төннөр
суолун бүөлээбиттэрин кэннэ, омос көрдөххө, туспа-
туора эйгэҕэ үлэлиир буолбута. Саха төрүт сиригэр уй-
гуну түстээри, сиртэн хостонор баайы бар дьон туһугар
таһаарар суолу тус бэйэтэ үлэлээн хайарга санаммыта.
Сокуон хараҕынан көрүү адаар таас хайа хаспаҕын
хаһан, күндү тааһы көрдүүртэн ураты. Сахалар сиртэн
хостонор баайы туһанарга кырыы өттүнэн кыттыһан,
уос-тиис тииһинэри былыр-былыргыттан билэллэрэ.
Ол олох стратегиятын биир эбиискэ көрүҥэ буолан,
араас кэмҥэ умулла-умулла күөдьүйэрэ. Онтон
сүүрбэһис үйэҕэ Саха сирэ хостонор баайынан хото
туһанар буолбутун кэннэ, идэтийбит хайа инженердэ-
рэ, бөдөҥ салайааччылар сайдан тахсыбыттара.
Уларыта тутуу диэн ааттанар кэмҥэ сиртэн хосто-
нор баайы бэрийэр тэрилтэлэр ыһыллан-тоҕуллан,
кыахтара эстэн, тастан кэлбит үлэһит илии сылаас-
сымнаҕас дойдутун диэки төттөрү халыйан, үрүө-тараа
барбыттара. Оннук баламат уларыйыы түмүгэр көмүс,
хорҕолдьун, сурьма хостооһуна быста сыспыта. Уону-
нан сылга үтүмэн үгүс элбэх ороскуотунан тутуллубут
заводтар, фабрикалар, рабочай бөһүөлэктэр муус кы-
рыанан бүрүллэн, түннүктэрэ-үөлэстэрэ оҥойон хаал-
быта.
Бу кэмҥэ хайаттан хостуур промышленноһы аны-
гы ирдэбилгэ дьүөрэлээн салайарга, экономикатын
бөҕөргөтөргө туруммут биир бэлэмнээх киһи Егор Пе-
трович Жирков буолан биэрбитэ. Кини кыһыл көмүһү
хостуур промышленноһы чөлүгэр түһэрэр программа-

80