Page 86 - Ульяна Винокурова. Е. П. Жирков Сайдыы суолун солоон...

I түһүмэх. Көнөр көҥүлү көрдөөн

зидент сонун идеятын тарҕатарга тэрийэр дьоҕурдаах
Егор Петрович табыллан үлэлээбитэ. Олохтон тахсар
хамсааһыны таба көрөн, сайыннаран, дьон-норуот
олоххо тардыһыытын, айымньытын угуһуннарыахха
диэн санаа, аныгы салалта идеологията буолбута.
Дойду экономиката кризискэ киирэн хамнас да, үп
да, үлэ да дохуота быста-быста салҕанар кэмнэрэ кэл-
битэ, федеральнай былаас кыһыл көмүһү хостооһуҥҥа
государственнай сакааһы биэрэртэн толору аккаастам-
мыта. Ол кэмҥэ республика былааһыгар хаһаайыстыба
ис кыаҕын, дьон олоххо тардыһыытын түмэн, ыһыл-
лыыны-тоҕуллууну тохтотор, норуот олоҕун таһымын
түһэрбэт сыал-сорук турбута.
Ити кэмҥэ Е.П.Жирков айар-тэрийэр дьоҕура саҥа
эйгэҕэ арыллыбыта. Кини Өймөкөөн, Алдан, Уус
Майа, Томпо көмүсчүттэрин мунньан, өй-сүрэх
күрэҕин тэрийэн, хайа промышленноһын сайыннарыы
программатын олоххо киллэрэргэ туруммута. Ордук
кыһыл көмүһү хостооһун сытыы боппуруостарын
быһаарсыыга билиитин уонна былаас ситимин хол-
бообута. Кини көҕүлээн, С.С.Степанов, А.В.Каздобин,
Г.В.Безносов, М.Л.Брук, О.И.Боева, о.д.а. дьон кыт-
тыһан, “Основные направления реструктуризации зо-
лотодобывающей отрасли в Республике Саха (Якутия)”
диэн салааны кризистэн таһаарар анал программа
оҥорбуттара. Ол кыһыл көмүһү хостооһун туругун чу-
олкай ырытар, чөлүгэр түһэрэр хайысхалары ыйар
дьоһун докумуон этэ.
Кыһыл көмүһү хостооһуҥҥа Саха сирэ Россияҕа
иккис миэстэни ылар. Алдан, Өймөкөөн, Уус Дьааҥы,
Томпо, Уус Майа экономиката кыһыл көмүһү хос-
тооһунтан быһаччы тутулуктаах. Россия хотугу терри-
торияларын суолтатын өйдөөбөт федеральнай баһы-
лыктар харалҕан салалталарын содулугар аан бастакы-

82