Page 87 - Ульяна Винокурова. Е. П. Жирков Сайдыы суолун солоон...

Төрүт сиргэ уйгуну тустээн

нан кыһыл көмүһү хостооччулар хотторуулаах буол-
буттара.
“Валютнай коридор” диэн ааттанар хааччах
оҥоһуллан, кыһыл көмүс государствоҕа туттарыллар
сыаната аһара кыччаабыта, оттон сэп-сэбиргэл, транс-
порт, оттук сыаната халлааны харбаспыта. Россия са-
лалтата ханнык да эппиэтинэстэн босхолонон туран,
хайа үлэһиттэрэ хостообут бородууксуйаларын батар-
быт сыаналарыттан баһаам бырыһыаны нолуогунан,
төлөбүрүнэн быһа сотон ылара.
Ону ааһан, социализм саҕана промышленноска
сыһыарбыт социальнай тутуулары, тэрилтэлэри
бюджеттан хааччыйары аккаастаан кэбиспитэ. Ол
түмүгэр рабочай бөһүөлэктэр тоҥор, хайа промышлен-
ноһын тэрилтэлэрэ сабыллар алдьархайа үгүс дьон
олоҕун огдолуппута. Ол кэмҥэ кыһыл көмүс промыш-
ленноһыгар сүүрбэччэ тыһыынча киһи үлэлиирэ.
Маннык туруктан тахсарга Егор Петрович Госду-
маҕа үлэлиир кэмигэр сиртэн хостонор баайы
суут-сокуон хараҕынан бэрээдэктииргэ, тустаахтар ин-
тэриэстэрин аахсарга идэтийбитэ туһалаабыта. Саҥа
тэриллибит “Сахазолото” диэн финансовай-промыш-
леннай корпорацияҕа генеральнай директоры солбу-
йааччынан үлэлээбит уопута эбиллибитэ.
Оччотооҕуга хайа промышленноһын салайыы тос-
ту уларыйа турар кэмэ этэ. Алмаас, чох промышлен-
ноһа государственнай тутулга хаалан, кыаҕын улахан-
нык ыһыктыбатаҕа, оттон көмүсчүттэр үрэллэн хаа-
ланнар, эстии-быстыы элбээбитэ. Аҥаардас ол кэм-
нэргэ хас төрдүс үлэһит үлэтиттэн матан, көһөргө
күһэллибитэ. Көмүһү хостуур улуустарга улахан ай-
малҕан үөскээбитэ. Көмүсчүттэр хотугу улуустартан
Дьокуускайга кэлэн, правительство, Ил Түмэн дьиэтин
иннигэр пикеттээн, чысхаан тымныыларга үлүйбүт-
тэрэ.

83
6 *