Page 9 - Ульяна Винокурова. Е. П. Жирков Сайдыы суолун солоон...

Бастакы түһүмэх

КӨНӨР КӨҤҮЛҮ КӨРДӨӨН...

ларыта тутуу былдьаһыктаах, түөрэккэй да кэмнэри-
У гэр олох сүнньүн тутуһан, туһалаах өттүн диэки
дьылҕа-хаан оҥочотун хайыһыннаран, эрэллээхтик эрдэр
эр бэртэрэ, элик үтүөлэрэ история хаамыытын сүрэхтэ-
рин тэбиитинэн иһиллээн, инники кэскили санааларын
сырдыгынан тыктаран, көнөр көҥүлү көрдүүллэр. Оннук
биир эрдииһит, оттон-мастан тутуһар мүччүргэннээх
кэммитин күөн көрсүбүт, ыраас ырабытын олоххо киллэ-
рэргэ ылбаҕайдык ылсыбыт, мөҥүрүүр мөккүөрү күөнү-
нэн күрдьүспүт киһибит КИНИ — Егор Петрович Жир-
ков буолар.
Егор Петрович Жирков аатын Саха сирин олохтоох-
торо үчүгэйдик билэллэр. Кини Саха сирин историяты-
гар, Саха омук дьылҕатыгар суураллыбат суолталаах
дьаһаллары бэлэмнээһиҥҥэ, ылыныыга уонна олоххо
киллэриигэ толкуйу тобулсубут, быһаччы быһаарсыбыт,
көҕүлээбит уонна туруорсубут суоллаах-иистээх киһибит
буолар. Ону биһиги, кинини кытта биир кэмҥэ алтыһан,
дьылҕа тосхойбут кэрдиис кэмигэр, өрө да күүрүүлээх,
сабыта да оҕустарар түгэннэргэ эн-мин дэсиһэн, сарын-
сарынтан да өйөһөн, сыыһа-халты да түсүһэн, кыахпыт
тиийэринэн үлэлээн-хамнаан, история күөнүгэр хааллар-
быт суолбут омоонун ыйар-кэрдэр биэтэктэригэр чуолкай
бэлиэлэри туруоруох тустаахпыт.
Оччоҕо сойботох суолбутун чиҥэтэр, салгыы барар
үүнэр көлүөнэ тэтимнээхтик тэҥҥэ үктээн, кэскилин
киэҥник көрөн, көнөр көҥүл туһаайыытын тутуһан туру-
гуруохтаах. Биһиги кэм дьоно туруорсубут туруорсуула-
рын, киирсибит кирбиилэрин, ситиспит ситиһиилэрин,
кыайбатах кыһыыларын, хотторбут хомолтолорун, табыл-
лыбатах түбэлтэлэрин ырытан-үөрэтэн, суолдьут сулус,
бигэ билии курдук ылынан, санааларыгар сааһылаан,

5