Page 14 - Ульяна Винокурова. Е. П. Жирков Сайдыы суолун солоон...

I түһүмэх. Көнөр көҥүлү көрдөөн

көлүөнэ төрөөбүт сирин-уотун, норуот ааспыт истори-
ятын, бүгүҥҥү олоҕун-дьаһаҕын, үлэтин-хамнаһын
билэн улаатарын ситиһиэххэ. Саха оҕотун сахалыы
иитиэххэ, сахалыы үөрэтиэххэ”.
Оччотооҕу кэмҥэ ити барыта хайдах курдук хорсун
санаа, хотуулаах толкуй этэй! Дэлэҕэ даҕаны 1993 сыл-
лаахха Москваҕа Егор Петрович докторскай диссерта-
циятын көмүскүүр күнүгэр официальнай оппонена,
педагогическай наука доктора, профессор В.М.Кротов
концепция сүрүн идеяларын сыаналыырыгар маннык
этиэ дуо: “Следует прямо сказать, что со времен
К.Д.Ушинского теоретики педагогики не баловали
вниманием названные проблемы при разработке путей
развития школьного дела”.
Итинник наада этэ, бэрт буолуо этэ диэн баҕара са-
ныыр, си буолуохтааҕар сэһэргэһэр дьон урут да баара
эрээри, ити кыайтарбат суол, ким да ону көҥүллүө
суоҕа диэн өй-санаа дириҥник иҥэн, сабардаан сы-
рыттаҕа. Ол иһин С.А.Новгородов кэнниттэн ону олох-
хо киллэрэ сатыахтааҕар, үрдүк таһымҥа тыл да бык-
тарар киһи суох буоллаҕа. Онтубут кырдьык да кыай-
тарар суол эбит! Жирков кими да кэтэспэккэ, толлон-
чаҕыйан турбакка, дьону-норуоту хамсатан, кэлбит кэ-
ми туһанар кыаҕы арыйбыта!
“Концепция идеялара өҥ буорга түспүт үтүө сиэмэ
курдук өр-өтөр гыммакка өрө анньан тахсыаҕа” диэн
Мэҥэ Хаҥалас Дьабыыл оскуолатын учуутала Илья
Гаврильевич Баишев төрүт культураны үөрэтии баста-
кы программатыгар суруйбута. Кини эппэтэҕэ, Үрдүк
Айыыбыт эппитэ буолбута. Аҕыйах сыл иһинэн Саха
сирин үрдүнэн хайдахтаах улахан хамсааһын тахсыбы-
тай, төһөлөөх учуутал, төһөлөөх оскуола айымньылаах
үлэ аартыгын арыйбытай? Төһөлөөх ыччат төрүт куль-
тура илгэтин иҥэриннэ, төһөлөөх саха ийэ талаана
таҕыста? Таарыйа эттэххэ, талаан, дьоҕур, кыах да бөҕө
хааһахха хаайтаран сылдьаахтаабыт эбит!

10