Page 12 - Ульяна Винокурова. Е. П. Жирков Сайдыы суолун солоон...

I түһүмэх. Көнөр көҥүлү көрдөөн

аха олоҕо сайдар аныгы биир сүрүн тускула үөрэ-
Сҕирии, аныгы олох ирдэбилигэр дьүөрэлээн идэ-
тийии, төрөөбүт тылы, культураны элбэх омук эллэһэн
олорор эйгэтигэр тарҕатыы буолар.
Аан дойду дьоно араас омук тылынан киэҥ куйаа-
рынан эргийэр, компьютерынан ситимнэһэр балысхан
сайдыы кэмигэр государство политикатын тосхолугар
моһуттаран, ийэ тылбыт иинэ хатан, культурабыт буо-
муран барбыта. Үөрэхтээх киһи диэн нууччалыы этэр-
тыынар тыллаах буолуохтаах, онтон атын туох да суол-
тата суох диэн өй-санаа үөскээбитэ, салайыы сабар-
даабыта.
Саха тыллаах оҕо тэрилтэтэ, сахалыы үөрэтэр ос-
куола куорат сиригэр тэриллэрэ хара маҥнайгыттан да
уустук этэ, онтон салгыы омугумсуйууга күтүрээһин
күлүгэр киирбитэ. Онон саха тылын бэйэтин төрүт
түөлбэтигэр ыччакка үөрэтии иҥнэри түспүт сэргэҕэ
баайыллыбыт ытык сылгы курдук өлөр-тиллэр икки
ардынан ыйанан турбута.
Советскай былаас бүтэһик кэрчик кэмигэр нация
культурата симэлийэн, тыла кэхтэн эрэрин көрө сыл-
дьар өйдөөх дьон атарахсытыы политикатын утарсар
санаата улам бөҕөргөөн испитэ. Саха ньургуннара хас-
та да омугумсуйууга балыйыллан, суорума суолламмы-
тын билэн туран, хорсуннук турууласпыт биир кэрэмэс
киһибит Николай Иванович Шарин буолар.
Шарин Н.И. 1962-1981 сылларга, уон тоҕус сыл
үөрэх министринэн үлэлээбитэ. Ол кэмҥэ орто үөрэх-
тээһин толору киирбитэ, оскуола тутуутугар, матери-
альнай-техническай базаны бөҕөргөтүүгэ улахан үлэ
барбыта. Орто оскуола 2,5 төгүл элбээбитэ, бастакы
физико-математическай оскуолалар баар буолбуттара.
Ол да буоллар кини министр эрдэҕинэ төрөөбүт
тылы оскуолаҕа үөрэтэр-иитэр эйгэттэн туоратар поли-
тика саҕаламмытын кэпсиир: “1964 сыллаахха авто-
номнай республикалар, ол иһигур Калмыкия, Чечня,

8