Page 93 - Ульяна Винокурова. Е. П. Жирков Сайдыы суолун солоон...

Төрүт сиргэ уйгуну тустээн

суоҕа. Эбиитин Егор Петрович дьону түмэр ылбаҕай
майгыта, бастакы Президент ыытар политикатын
өйүүрэ, көмөлтө өттүнэн туһалыыра барыта аахсыллы-
быт буолуохтаах. Уус Алдан дьоно эйэ-дэмнээхтик үлэ-
лиир-салайар дьулуурдааҕа, тылын ылыннарар, санаа-
тын ситиһэр кыахтааҕа Россия ыраахтааҕытын да
астыннарбыт кэмэ баара.
Онон Егор Петрович Жирков Саха Республикатын
представительствотын сыл кэриҥэ иҥэн-тоҥон салай-
быта. Ол үлэтин сүрүн сыала син биир Республика ин-
тэриэһин көмүскээһин, ылбыт кирбиини ыһыктыбат
политиканы ыытыы этэ.
Кини Госдумаҕа бииргэ үлэлээбит депутаттара
Президент, Правительство салалтатыгар-аппаратыгар
бас-көс салайааччы дуоһунаһыгар олорбуттар этэ.
Онон табаарыстыы сыһыаҥҥа тирэнэн, Егор Петрович
боппуруостары суһаллык быһаарсар кыахтаммыта, бэл
Правительство мунньаҕын саалатыгар сатаан киирэр,
сылдьан истэр буолбута бырайыактары эрдэттэн ылары
ситиспитэ. Онон саха представителэ Россия правитель-
ствота тугу былаанныырын, туох быһыы-майгы буо-
луоҕун ким хайа иннинэ билэ-көрө, ырыта сылдьар
уратыламмыта. Ол иһин ким информацияны булар, ол
былаастаах буолар диэн эрдэхтэрэ.
Егор Петрович оччоттооҕу үп министрэ, бастакы
вице-премьер М.Касьяновка да киирэн кэпсэтэр, рес-
публика туруорсар докумуонугар илии баттатар түбэл-
тэтэ баара. Россия салалтатыгар оннук чугас сылдьан,
туох уларытыы күүтүллэрин билэн-истэн, республика
салалтата кэскиллээхтик быһаарынарыгар, интэриэһин
хайдах туруорсарыгар тылын тиэрдэрэ.
Холобур, НДС диэн нолуок хайысхата уларыйан,
суол фондатын үбэ республика дохуотуттан тахсарын,
нолуок тутаах көрүҥнэрэ эмиэ федеральнай бюджекка

89