Page 97 - Ульяна Винокурова. Е. П. Жирков Сайдыы суолун солоон...

Төрүт сиргэ уйгуну түстээн

Тыа сиригэр аһы, норуот туттар табаарын оҥорор
промышленность киирэн иһэр, туһааннаах программа
улуус ис кыаҕын учуоттаан сайдар. Ил Түмэҥҥэ тыа
сиригэр төрөөбүт-үөскээбит, онтон талыллыбыт депу-
тат биир-биэс тыла суох ылынан иһэр быһыыта-май-
гыта үөскээбитэ. Онно Егор Петрович тыа сиригэр
сыһыаннаах боппуруостарга тылын-өһүн тиэрдэрин,
санаатын этэрин булгуччулаах курдук көрөрө.
Е.П.Жирков дьиэ-кэргэн, ыччат дьылҕатын
иэдэтэр дьайыылаах икки киирсиилээх боппуруоска
үлэлээбитэ: бастакыта, биир кэлим государственнай
экзамен (ЕГЭ) уонна төрөппүттэртэн төлөбүрдээх
үөрэх (ГИФО) киирэрин сорунуулаахтык утарсыбыт;
иккиһэ, үөрэх, эмп, культура тэрилтэлэрин үбүлээ-
һини олохтоох салайыныы бюджетыгар тэбэн кэ-
биһэри утарсыбыт мунньахтарын ахтыахха сөп.
Саҥа үйэҕэ үктэнээт, Саха Республикатын үөрэҕин
министерствота хас да федеральнай эксперимеҥҥэ
соһуччу киирсибитин төрөппүттэр, үөрэнээччилэр,
учууталлар туох да бэлэмэ суох көрсүбүттэрэ. Ол ордук
тыа сирин ыалларыгар, хотугу улуустар кыра-кыаммат
оскуолаларыгар тута биллибитэ. Учуутал тиийбэт,
мөлтөх базалаах оскуоланы бүтэрээччилэр билиилэрэ
сыппаҕа өйдөнөр. Оннук таһымнаах ыччат анал идэҕэ
үөрэнэригэр ботуччу үбү төлүүрүн, дугдуруй да оҕус
диэбит курдук аны ГИФО диэн ааттаах эксперимент
ситэрэн биэрбитэ.
Итинник киэҥ далааһыннаах, дьон олоҕор улахан-
нык дьайар эксперименнэр педагогическай эйгэттэн
тахсан, социальнай ыктарыыны аҕалбыттара. Ол иһин
Ил Түмэн депутаттарыгар үҥсүү-харсыы, туруорсуу
күүһүрбүтэ.
Үөрэхтээһин эйгэтин дириҥник билэр депутат
Егор Жирков Ил Түмэн холбоһуктаах мунньаҕар ман-

93