Page 98 - Ульяна Винокурова. Е. П. Жирков Сайдыы суолун солоон...

I түһүмэх. Көнөр көҥүлү көрдөөн

нык эксперимент туһунан анал боппуруос киирэрин
ситиспитэ, киэҥ дьүүллэһиигэ туох-ханнык балаһыан-
ньа тахсыбытын чуолкайдык быһааран биэрбитэ. Онон
эксперимент хаамыытын парламент хонтуруолугар
киллэрэн, бас-баттах барыыны тохтотор уураах тахса-
рын ситиспитэ.
Санаан көрдөххө, аатырбыт Дьоруой Дьөгүөрэби
утумнаан, саха омук кэскилин, үөрэҕин, культуратын
туһугар киэҥ далааһыннаахтык үлэлээбит эмиэ Танда
ыччата Дьөгүөр Жирков курдук аныгы кэм салайаач-
чыта аҕыйах буолуо. Бу туһугар кини сир тымырын
курдук ис-иһиттэн өрүкүйэн тахсар эрчимнээх. Олох-
тоох салайыныы боппуруоһугар оскуола, балыыһа
үбүлээһинэ государство моонньугар хаалыахтаах диэн
туруорсан, 70 депутат санаатын булгурутан, эппитин
ситиспитэ, тыа сиригэр үгүс оскуоланы, балыыһаны
боҥкуруут барартан быыһаабыта.
Егор Петрович депутаттары нуучча-саха диэбэккэ,
кылгас да кэм иһигэр түмэ тардар, тэрийэр дьоҕурдаах.
Хаһан да улахамсыйбат, эйиэнэ-миэнэ диэбэт, уопсай
тылы буларга аһаҕас, бэйэтин харыстаммат, сүүрэрин-
көтөрүн, көрдөһөрүн ыарырҕаппат, хотторуулаах да
түгэни күөн көрсөртөн куттаммат. Сыыһа-халты тутта-
ран дьону бэйэтигэр тардына, куомуннаһа, бэрт буола
сатаан эйэҥэлии сылдьыбакка, депутат эбээһинэһин
дьоһуннаахтык толорбута. Мүччүргэннээх да түгэҥҥэ
Оноҕочоон Чоохоон курдук сытыы өйө, көҥүл санаата,
олоҕу сахалыы көрүүтэ, ылыннарыылаах тыла быһаа-
рыылаах буолан тахсара.
Төрдүс хайысха дьиэ-уот коммунальнай хаһаайыс-
тыбатыгар көмөлөһүү буолбута. Уларыта тутуу саҕала-
нарыгар дьалаҕай, көһүүн сыһыан түмүгэр улахан са-
тарыйыы тахсыбыта биллэр. Хас да сыл күттүөннээх
хамнаһы ылбакка сылдьан, кыһыҥҥы тоһуттар тым-

94