Page 1 - Леонтьев Василий Никанорович уонна САХА ОМУК обществота. О. Павлова

Леонтьев Василий Никанорович уонна "Саха омук" обществота

Историяҕа биллэринэн, ханнык баҕарар норуот дьылҕата биирдиилээн

күүстээх личностар үлэлээн-хамсаан, история киэн хонуутугар суол-иис
хаалларан ааһыыларын кытта быстыспат сибээстээх. Биһиэхэ, сахаларга, XX-
с үйэ саҕаланыыта В.В. Никифоров-Күлүмнүүр, А.Е. Кулаковскай-
Өксөкүлээх Өлөксөй, П.А. Ойуунускай, М.К. Аммосов о.д.а бөдөҥ

государственнай, политическай, общественнай деятеллэр ааттарын кытта
сибээстээх. Оннук дьоннортортон биирдэстэринэн филологическай наука
кандидата, ХИФУ доцена В.Н. Протодьяконов "Ойуунускай, Омуоһап,

Бараахап таһымнарынан олорон ааспыт киһи" диэн эппит киһитинэн Василий
Никанорович Леонтьев буолар.

Революция иннинээҕи уонна ол кэннинээҕи саха бастакы көлүөнэ
үөрэхтээхтэрэ үгүстэрэ учуутал, юрист идэтин баһылыыллара. Биир
дойдулаахпыт Саха сирин маҥнайгы общественнай деятеллэриттэн
биирдэстэрэ, сахаттан маннайгы литературнай критик Василий

Никанорович Леонтьев юрист идэлээҕэ. Хомойуох иһин, кини туһунан
биһиги билиибит бэрт кэмчи, күн бүгүн төрүччүтэ, миитэрэпкэтэ КӨСТӨ илик.
Биир дойдулаахпыт туһунан маннайгы суруйуу оройуоммут хаһыатыгар

"Ленинскэй тэрийээччигэ " 1991 сыллаахха муус устар 4 күнүгэр Чэриктэй
нэһилиэгиттэн Петр Сивцев "Соһуччу үөрүү" диэн заметкатыттан билсэн
турабыт. Онно Василий Никанорович 1895 сыллаахха кулун тутар 5 күнүгэр

Бороҕон улууһун П-с Лөгөй нэһилиэгэр төрөөбүтэ диэн суруллар. Кини
Якутскайдааҕы духовнай семинарияны бүтэрэн баран 1917-1920 сылларга
Томскайдааҕы университет юридическай факультетыгар үөрэммит. 1920

сыллаахха дойдутугар эргиллэн кэлэн, Эргиэн наркоматыгар юрист-
консулунан, сана тэриллибит "Саха омук" культурнай-сырдатар общество
правлениетын председателинэн үлэлээбит.

Василий Никанорович 1923-1924 сылларга бу общество иһинэн
тэриллибит Саха сиригэр бастакы философскай кружогу салайан үлэлэппит.
Кини философиянан утумнаахтык, диринник дьарыктаммыта уонна онтун

саха интеллигенциятын бастыҥ дьонноругар туһаайан бу курду к эппитэ:
"Интерес к философии у части нашей интеллигенции - начало поворота к
теоретическому развитию ума. Но этот интерес надо направить, чтобы была

взята правильная линия и заложена основа к созданию серьезной
философской традиции. Иначе в области науки у нас не будет никаких
перспектив. Это надо твердо запомнить".