Page 2 - Леонтьев Василий Никанорович уонна САХА ОМУК обществота. О. Павлова

1923-1928 сылларга Саха АССР Юстициятын наркомун солбуйааччы.

1922-1927 сылларга ыытыллыбыт Советтар Бүтүн Саха сиринээҕи 1-У
съезтэрин делегата, Саха Киин ситэриилээх комитетын чилиэнэ. 1924-1926
сыллардаахха Саха АССР маҥнайгы Конституциятын бырайыагын оҥорбут.

Ол эрээри бу бырайыак, РСФСР сана Конституцията бэчээттэнэн, олоххо
киирбэтэҕэ.

Василий Никанорович туһунан салгыы эттэххэ, 1929 сыллаахха

сымыйа дьыалаҕа балыллан ГПУ органнарынан хаайыллыбыта. 1930
сыллаахха "Тройка суутунан" 3 сылга болдьохтоох сыылкаҕа ыытыллыбыта
уонна 1932 сыллаахха Сибирь лааҕырыгар сытан өлбүтэ. Киниэхэ уонна

"Саха омукка" сыһыаннаах суруйуулары В. Петров, Е. Антонов, М. Алексеев,
В. Протодьяконов "Кыым", "Сахаада", "Саха сирэ" сыһыарыытыгар
"Дьулурҕаҥҥа", "Чолбоҥҥо" таһааттаран тураллар.

Кини аатын кытта "Саха омук" культурнай-сырдатар общество
быстыспат сибээстээх. 1920 сыл сэтинньи 7 күнүгэр бигэргэтиллибит "Саха
омук" тугунан дьарыктаммытай? Кини культурнай-сырдатар общество

бэйэтин иннигэр саха нэһилиэнньэтин үлэһит маассатын культурнай тутууга
тардыы, национальнай культураны тэрийиигэ Саха АССР правительственнай

органнарыгар көмөлөһүү: сурукка, музыкаҕа, литератураҕа уонна театрга
үчүгэй уонна туһалаах көрү-нары тэрийиигэ сыал-сорук туруоруммута.

Ити үөһэ ыйыллыбыт соруктары толорууга хас биирдии общество

чилиэттэрэ:

- съезтэри ыҥырар, лекциялары, рефераттары ааҕар, миитиннэри,

экскурсиялары тэрийэр;
- кулууптары, библиотекалары тэрийэр, театрдар, народнай дьиэлэр,
музейдар, ааҕар балаҕаннар үлэлэригэр көмөлөһөр;
- Саха кыраайын олоҕун-дьаһаҕын уонна культуратын

боппуруостарыгар чинчийиилэри ыытар уонна материаллары
хомуйар;
- былыргы памятниктары харыстааһын, араҥаччылааһын

дьаһалларын ыытар;
- ийэ тылы сайыннарар;
- араас научнай, уус-уран уонна общественнай-политическай

айымньылары тылбаастыыр;
- төрөөбүт тылынан литератураны байытар уонна тупсарар;
- журналларга, туспа хомуурунньук уонна кинигэнэн дьиҥнээх уонна

тылбаастаммыт айымньылары хомуйан таһаарар;