Page 4 - Леонтьев Василий Никанорович уонна САХА ОМУК обществота. О. Павлова

ыйыллыбыт. Общество иһинэн театральнай труппа, литературнай кружок, хор,

оркестр, быраабы үөрэтэр кружок, редакционнай коллегия үлэлээбит.

Отчуокка аҥардас сэтинньи ыйга А.И. Софронов "Олох оонньуута", В.

Оросин "Кыһыл кыыс" спектакллара туруоруллубуттар, 2 литературнай
биэчэр тэриллибит. В. Оросин "Кыһыл кыыһын", "Кыһыл хоһоон" диэн 1925
сыллаахха П. Ойуунускай, А. Бояров, С. Кулачиков редактордаан таһаарбыт
революция, комсомол, пионер ырыаларын хомуурунньугун, В. Никифоров

"Манчаары" пьесатын тула ырытыһыылар тэриллибиттэр.

Эмиэ ити ыйга бэрт интэриэһинэй дакылааттар, ол курдук, В. Ленотьев

революция иннинээҕи саха литературатын, В. Оросин кружоктар үлэлэрин
суолталарын туһунан, В. Борисов "Дьон көһөн кэлиитэ - общество
сайдыытын культурнай фактора" о.д.а дакылааттара ааҕыллыбыттар.

16 киһилээх хор кружога ити сыл 10 саҥа сахалыы ырыаны үөрэппит,
Дьокуускайдааҕы педтехникум литературнай биэчэригэр уонна Советтар
Бүтүн Саха сиринээҕи съезтэрин аһыллыытыгар аналлаах концерта

кыттыбыттара ыйыллыбыт.

Отчуокка Улуу Өктөөп бырааһынньыгар В.Н. Леонтьев "Октябрь 8

сыла уонна "Саха омук" общество соруктара", В.Д. Борисов "Октябрь уонна
Саха АССР" дакылааттары аахпыттара ахтыллыбыт. Салгыы 1905 сыллааҕы
революция күнүгэр Ахтыы биэчэрэ ыытыллыбыт, онно П.В. Слепцов, И.Ф.
Афанасьев кыттыбыттара сиһилии суруллубут.

Итинтэн салгыы 1927 сыллаахха сыл устата ыытыллыбыт үлэни
Общество правлениетын председателин солбуйааччы, БСК (б) чилиэнэ Д.Г.

Габышев окорбут. Онно общество 68 чилиэннээҕэ, ол иһигэр эр киһитэ-52,
дьахтара-10, омугунан ыллахха, 62 саха, 2 нуучча, 58 партията су ох, 10
коммунист уонна 36 үөрэнээччи баара ыйыллыбыт.

Отчуокка сыл устата "Саха омук" театральнай труппата "Эргэ уонна
саҥа", "Волков", "Манчаары", "Тар", "Кэччэгэй кэриэһэ суох" диэн

пьесалары, А. Чехов "Куһаҕан санаалаах", "Икки киһи кэпсэтиитэ"
инсценировкалары көрдөрбүт. Маны тэҥэ А.Е. Кулаковскай туһунан, П.
Ойуунускай "Кыһыл ойуунун" символларын туһунан литературнай

биэчэрдэр ыытыллыбыттар.

49 чилиэннээх литературнай кружокка 14 дакылаат ааҕыллыбыт. Онно
искусство, художественнай литература суолталарын, уус-уран айымньылар

көрүҥнэрин уонна ис хоһооннорун уо.д.а. кэпсэтии барбыт. Литература