Page 3 - Леонтьев Василий Никанорович уонна САХА ОМУК обществота. О. Павлова
P. 3
- хаһыаттары, журналлары уонна атын да литератураны суруттарар
уонна тарҕатар;
- литературнай конкурстары тэрийэн, бастыҥ уус-уран айымньыларга
бириэмийэлэри олохтоһор;
- литературнай, драматическай, музыкальнай биэчэрдэри,
дьүүллэһиилэри, сыанабыллары, спектакллары, концертары, оҕо
бырааһынньыктарын ыытар, филиаллары, секциялары, алын
секциялары, ячейкалары уонна комиссиялары, спортивнай
оонньуулары, дьарыктаныылары тэрийэр эбээһинэстээхтэрэ.
Маны таһынан 1922 сыл алтынньытыгар "Саха омук" правлениета
Якутскай уокурук бары депутаттарыгар улуус аайы филиаллары
тэрийэллэригэр сорудахтаабыт. Филиаллар Нам, Байаҕантай, Бороҕон, Илин
Хаҥалас улуустарыгар тэриллибиттэр. Бу тэриллибит филиаллар уонна
общество да үлэтэ ыарахан кэмҥэ барбыт, онон Якутскайга эрэ буолбакка
1922-1923 се. общество, филиаллар бэйэлэрин иннилэригэр туруоруммут
сыалларын-соруктарын үксүн ситэри толорботохтор. Биричиинэтинэн
дойдуга буола турар быһыы-майгы буолбут. Ол эрээри Якутскайга общество,
улуустарга филиаллар балачча киэҥ культурнай-сырдатар үлэни ыыппыттар.
Ити кэмнэ театральнай уонна агитация секциялара балайда үчүгэйдик
үлэлээбиттэрэ диэн ахтыллар. Холобура, агитсекция ыытыахтаах үлэтин
балаһыанньатынан контрреволюционнай хамсааһыны утары уонна кинини
эйэлээхтик эһэр сыаллаах идейнэй агитацияны ыытар соруктааҕа.
"Саха омук" общество "Якутские зарницы" диэн общественнай-
литературнай журналы таһаарара. Оччотооҕу кэмҥэ журнал киэҥ сэҥээриини
ылбыт. Журнал редакцията В.Д. Виленскэй-Сибиряковтан, "Каторга и
ссылка", "Северная Азия" журналлар редактордара П.Л. Драверт
профессортан ыытар үлэлэрин сэнээрэллэрин уонна бииргэ үлэлэһиэхтэрин
баҕарар суруктары туппуттар.
"Якутские зарницы" журналга "Саха омук" үлэтин кылгас отчеттара,
общество чилиэннэрин уонна атын да дьоннор хоһоонноро, сэһэннэрэ,
кэпсээннэрэ бэчээттэнэллэрэ.
1925 сыл ахсынньы 31 к. Общество правдениетын председателэ, ССРС
Киин Ситэриилээх Комитетын чилиэнэ В.Н. Леонтьев туһааннаах сыл устата
ыытыллыбыт үлэтин отчуоттаабыт, онно обществоҕа барыта 131 чилиэннээҕэ,
ол иһигэр эр киһитэ-90, дьахтара-32, омугунан ыллахха, 116 саха, 6 нуучча,
117 партията суох, 2 коммунист, 2 комсомолец уонна 89 үөрэнээччи баара
