Page 2 - Саха омукка сылдьарбыт. В. Алексеев, Кыым, 27.02.1991
P. 2

истибитим.  Саала бүүс-бүтүннүү ытыс таһыммыта уонна хаһыы-ыһыы  бөҕө

                 буолта. Кырдьыга даҕаны билиҥҥи курдук, консерваторияҕа эшга үөрэммитэ
                 буоллар,  баҕар,  улахан  биллиилээх  да  ырыаһыт  буолуоҕа  эбитэ  буолуо.
                 Кэнники  бил битам:  били  аргыспыт,  ырыаһыппыт  Маркина  Анастасия
                 Григорьевна  диэн  эбит  этэ  (хойут  кин            саха  үөрэхтээҕэ  Н.С.  Григорьев

                 кэргэнэ буолбута).

                        Концерт  кэнниттэн  саалаҕа  үҥкүү  буолта.  Үҥкүүлээччи  үксэ  нуучча

                 этэ.  Биир  көбүс-көнө,  уурбут-туппут  курдук  быһыылаах-таһаалаах,  ис
                 киирбэх  сэбэрэлээх  Габидуллина  диэн  эдэр  дьахтар  вальстаан  тэлээрэ
                 көтөрүн,  ып-ыраас  күҥнэ  лыах  көтөн  тэлээрэригэр  маарынната  көрбүтүм.

                 Ону көрөн саха үөрэхтээхтэрэ: "Ити дьахтары кытта арай биһиги Максиммыт
                 тэҥнэһэн  үҥкүүлүүрэ  дуу"  -  дэһэ  турбуттарын  өйдүүбүн.  Ити,  арааһа,  М.К.
                 Аммосов туһунан кэпсэтии буолта эбитэ буолуон сөп.  1932 сыллаахха сайын
                 Саха  АССР  10  сыла  туолуутугар  Москва  биир  сад  ойууругар  буолбут,

                 сахалар     биир      үөрүүлээх       бырааһынньыктарыгар            Максим        Кирович
                 үҥкүүлээбитин көрбүт дьон бука бары:  "Сааһыра барбыт киһиэхэ үҥкүүлүүр

                 да буолар эбит", -  дэһиспиттэрэ.

                        Биэчэр  бүтүүтүгэр:  "Аныгы  биэчэр  Владимир  Ильич  Ленин  төрөөбүт
                 күнүгэр  аналлаах  киэҥ  программалаах  буолуоҕа.  Ол  биэчэргэ  биир  бэйэҕит

                 иккиэ буолан кэлээриҥ", -  диэн биллэрбиттэрэ.

                        "Саха  омукка"  ити  бастакы  сырыыбар  баар  дьон  бука  бары  эйэ-

                 дэмнээхтик оонньоон-көрүлээн түүн үөһүн саҕана тарҕаспыттара.

                       Ити кэнниттэн  "Саха омукка"  балтараа сыл кэриҥэ буолан баран,  1926
                 сыллаах  күһүн  сылдьыбытым.  Онно  икки  дакылаат-лекция  буолбута.

                 Бастакытынан,        Саха     АССР       үөрэҕин,     эмин      народнай      комиссарын
                 солбуйааччы С.Н. Донской II үөрэҕэ суоҕу үөрэхтээһин туһунан, чуолаан тыа
                 сириттэн  сылдьар  дьону  бу  үлэҕэ  көмөлөһөргө  ынырбыта.  Иккиһинэн,

                 фельдшерской  техникум  учуутала,  ветеринарнай  врач,  нуучча  киһитэ  И.Я.
                 Тарабукин  "Хотону  дьиэттэн  араарыы"  диэн  темаҕа  лекция  аахпыта.  Бу
                 кылгас,  ол  эрээри  олус  дириҥ  ис  хоһоонноох  лекциялар  этилэр.  И.Я

                 Тарабукин кэнники Саха АССР наукатын үтүөлээх деятелэ буолбута.

                        Мунньах  кэнниттэн  эмиэ  үккүү уонна бэйэ-бэйэни  төрөөбүт  күнүнэн,

                 кими  кэргэннэммитинэн  -   ыал  буолбутунан,  кими  үлэҕэ  киирбитинэн
                 эҕэрдэлэһии буолта.

                        Тымныйыыттан  сыыстаран,  ити  кыһын үөрэммэккэ  да,  үлэлээбэккэ  да

                 дойдубар  олорбутум.  Оноон  таб.  Донской  үөрэҕэ  суоҕу  үөрэхтээһишгэ
   1   2   3   4