Page 4 - Саха омукка сылдьарбыт. В. Алексеев, Кыым, 27.02.1991

айылаах сытыы туттуулаах, ол да курдук тыллаах-өстөөх Саха дьахтара врач
М.А. Яковлева лекциялара буолбута. Итиэннэ биир биэчэргэ педтехникум

үөрэнээччитэ, кэнники биллиилээх суруйааччы буолбут Н.М. Заболоцкай-
Чысхаан "Хотугу кыра норуоттар суруйааччылара" диэн лекцияны аахпыта.

"Саха омук" сырдыкка, үөрэххэ тардар, ону ааһан хаһаайыстыбаннай

үлэлэри баһылыыр ис хоһоонноох араас үлэлэри ыытар быһыылааҕа. Ол
курдук, бу общество чилиэнэ, Лена пароходствотын албан аатырбыт
капитана А.Д. Богатырев биирдэ бэйэтин тэҥнээхтэригэр "Обществам

салалтата куруутун элбэх уулаах улахан өрүстэргэ эрэ устуоҥ дуо диэн, урут
борохуот сылдьа илик кыра өрүстэригэр сылдьыыны баһылыырга
сорудахтаата", - диэн кэпсиирин истибиппит. Кини адьас хойут, редакцияҕа

сылдьан, Бытантай үрэҕинэн биир саас кыра катерынан икки төгүл
саккырыырдар таһаҕастарын быраҕан турардаахпыт диэн үөрэ-көтө
кэпсээбитэ.

Тоҕотун адьас билбэтим, "Саха омук" кулуубугар 2-с ступень
үөрэнээччилэрэ аҕыйахтык, дэҥ курдук сылдьар буолаллара.

Итиччэлэртэн кэнникигэ да диэри "Саха омук" кулуубугар аҥардас
сахалар сылдьаллар, үлэлииллэр диэн, кинини реакционнай общество курдук
кэпсэтии, сурах-садьык баара. Ити адьас олоҕо суох кэпсэтии буолуон сөп

дии саныыбын. Бииринэн, ханнык баҕарар тэрилтэ, общество үлэтэ-хамнаһа,
киниэхэ ханнык омук дьоно үлэлииринэн сыаналаммата биллэн турар.
Иккиһинэн, куорат олохтоох нууччалара "Саха омукка" хара ааныттан

элбэхтик сылдьаллара. Ол дьон сороҕун үөһэ аҕынныбыт. Ити да курдук,
киниэхэ тиһигин быспакка сылдьар, үлэлэһэр сорох маннык дьоннору
ааттыахха сөп: А.Ф. Соболев, М.М. Носов, Н.Е. Афанасьев, М.П. Мышкин,
И.Я. Тарабукин, М.И. Ковынин, Ю.П. Приютов (омуна суох, оччолорго

республикаҕа суос-соҕотох фотограф), В.П. Гелис, А.Е. Кузнецов,
типография биллиилээх рабочай-наборщига Михаил Литвинов (куорат бүүс-
бүтүннүү кинини ытыктаан-таптаан дядя Миша диэн ааттыыра) уо.д.а. Ол

эрээри холуннарыы, баайсыы хаһан да баара.

В. Алексеев,

Саха ССР кулътуратын үтүөлээх үлэһитэ, журналист.

"Кыым", 27.02.1991