Page 4 - Василий Никанорович Леонтьев (1895-1932) статьи
P. 4
Соһуччу үөрүү
Бу дьыл олунньу ый 27 күнүгэр тахсыбыт "Кыым" хаһыакка "Саха
омук" холбоһук "Тускул" органын страницатыгар "Общество
бырабылыанньатын салайбыта" — диэн ааттаах СГУ старшай преподователэ
В.Н. Протодьяконов Саха норуотун бастакы үөрэхтээхтэриттэн биирдэстэрэ,
интеллигенция чулуу инники иһэр араҥатын биир бастыҥ кэрэ киһитэ -
Василий Никанорович Леонтьев туһунан тэттик эрээри биллэрэр суолталаах
дьоһуннаах ыстатыйаны бэчээттэттэ. Онно сурулларынан В.Н. Леонтьев 1895
сыллаахха кулун тутар 5 күнүгэр Бороҕон улууһун II Лөгөй
нэһилиэгэртөрөөбүт эбит.
Дьэ, кинини ким биһиги биир дойдулаахпыт дии санаабыта баарай?
Итини ааҕан бараммын соһуйдум даҕаны, үөрдүм даҕаны. Урут мин кинини
Илин дуу, Арҕаа дуу Хаҥалас улууһун эбэтэр Горнай киһитэ буолуо дии
саныыр этим. Онтукам баара адьас биһиги оройуоммут киһитэ буолан
соһутта. Мантан ама ким үөрбэт, астыммат буолуой?! Биир үтүөкэннээх аат
тахсан кэллэҕэ ити. Аны бу сүдү ааты элбэхтик хасыһан үөрэтии, сырдатыы,
үйэтитии сөргүтүллүөх тустаах. В.Н. Леонтьев "Саха омук" обществоны
тэрийсибит, кини председателинэн үлэлии сылдьыбыт. 1923-29 сылларга
Саха КСК чилиэнэ. 1927 сыллаахтан ССРС КСК чилиэнэ, эргиэн
промышленноһын наркоматыгар юрист-консулунан үлэлээбит. Бэйэтэ ситэтэ
суох үрдүк үөрэхтээх юрист эбит, Томскайдааҕы университет юридический
факультетыгар үөрэммит.
1924-26 сылларга юстиция наркомун солбуйааччынан олорон, Саха
АССР маҥнайгы Конституциятын бырайыагын оҥорбут, "Якутские
зарницы", "Чолбон" сурунааллар редколлегияларыгар үлэлээбит. "Саха
кэскилэ" научнай-чинчийэр обществоны тэрийсибит, кыраайы үөрэтэр
Россиятааҕы Киин бюротун састаабыгар киирбит.
В.Н. Леонтьев олоҕун былаһын тухары советский былаас, бэйэтин
үөскээбит-төрөөбүт сахатын норуотун иһин туруулаһан охсуспут үтүөлээх.
Кини үөрэх-билии араас эйгэтигэр дэгиттэр талааннаах киэҥ, дириҥ
билиилээх норуот дьикнээх сырдатааччыта эбит. Идэтинэн юрист эрээри
литератураны, искусствоны, философияны хасыһан туран чинчийбит,
үөрэппит, пропагандалаабыт.
1923 сыллаахтан ыла "Саха омук" общество иһинэн үлэлиир
философский куруһуогу салайбыт.
