Page 7 - Василий Никанорович Леонтьев (1895-1932) статьи

Агитсекция туһунан балаһыанньаҕа маннык этиллэрэ: Секция
контрреволюционнай хамсааһыны утары уонна кинини эйэлээхтик эһэр
сыаллаах идейнэй агитацияны ыытар соруктаах". Бу секция 1923 сыл муус
устарга, пепеляевщинаны хам баттааһын кэнниттэн, ыһыллыбыта. Ити саҥа

секция САССР правительствотыгар үлэлиир кадрдары (уполномоченнайдары
уонна агитатордары) биэрдэ диэн СКСК (ЯЦИК) Президиумун 1923 с.

отчуотугар этиллибитэ. (Бравина В.С. Из истории культурно-
просветительных учреждений Якутии. - Якутский архив. Вып. 3, г. Якутск,
196. с. 143). "Саха омук" РКП уобаластааҕы комитетын кытта нэһилиэнньэ
ортотугар кыһыл армияҕа аттары хомуйарга агитацияны тэниппитэ (САССР,

КГА, ф.5, оп. 1, дь. 17, л. 7).Ону таһынан агитсекция "Ыраас олох нэдиэлэтэ"
диэнэ дьаһалы ыытыыга кыттыбыта. ("Автономная Якутия", 1923, 19 марта).

Өссө 1922 с. алтынньы 7 күнүгэр "Саха омук" правлениета Якутскай

уокурук улуустарын бары депутаттарыгар улуус аайы фирмалары тэрийэргэ
көрдөһөн сурук ыыталаабыта. Филиаллар Бороҕон, Нам, Байаҕантай, Илин

Ханалас о.д.а. улуустарга уонна нэһилиэктэргэ тэриллибиттэрэ.

Сана тэриллибит бары филиаллар үлэлэрэ олус ыарахан усулуобуйаҕа
барара. Тыа сиригэр спектакллары туруорарга, декорация, грим олорчу

суоҕар сылгы сиэлэ сыһыарыллыбыт сиидэс бэргэһэлэри, баатаны, балык
хабаҕа уонна куйаха силими тутталлара. Филиаллар үлэлэригэр көрсөр иккис
ыараханнарынан улуустарга тойоттор сабыдыаллара олус улахана, оттон

нэһилиэнньэҕэ Советскай правительство, НЭП программатын өйдөтөр
кыахтаах ким да суох буолара. "Саха омук" филиалларыгар үлэ РК (б) П
уонна комсомол ячейкаларын кытта ыкса сибээстээхтик ыытыллара. Сорох

ардыгар ыраах улуустарга "Саха омук" филиала собус-соҕотоҕун культура
киининэн буолара. Улуустарга үлэ сүрүн көрүҥнэринэн ааҕарга-суруйарга
үөрэтии, спектакллары туруоруу, сырдатыы тематыгар дакылааттары ааҕыы
буолаллара. Суол-иис мөлтөҕө, наһаа бытанан олоруу, нэһилиэнньэ аҕыйаҕа

филиаллар үлэлэригэр улахан сабыдыаллааҕа, филиаллар үксүлэрэ бэйэлэрэ
тугу билэллэринэн үлэлииллэрэ.

Онон, филиаллар, РК(б) П уонна Ы Ж С ячейкаларын күүстэрин түмэн
культурнай тутууга улахан кылааты киллэрбиттэрэ.

"Саха омук" общество "Якутские зарницы" диэн общественнай-

литературнай сурунаалы таһаарара. Сурунаал киэн кэрэхсэбили ылбыта.
Редакция В.Д. Виленскэй-Сибиряковтан "Каторга и ссылка", "Северная

Азия" сурунааллар редактордара П.Л. Драверт профессортан (поэт уонна
Омскайга минерология профессора): Головоненко профессортан сэнээрэр