Page 12 - Кун кууьар хайатыттан

Сөрүө курдук тэпсиллиэҕэ.
Эстэр суолтан туоруоххайыҥ,
Дьылҕабытын көннөрүөҕүҥ,
Түмсэн хаанна талыныаҕыҥ,
Биир баһылык оҥостуоҕуҥ!
Баатыр тылын сөбүлүүллэр,
Ол эрээри саҥарбаттар,
Бэйэлэрэ туттуналлар,
Атын буолуон баҕарбаттар.
Хас биирдии уус баһылыга
Көҥүл сылдьарын ордордо,
Арай эдэр баатырдартан
Биирдэстэрэ ойон турда:
— Хайаҕа бултуу сылдьаммыт,
Манаас хаан буоллун диэбиппит,
Санаабытын төннөрбөппүт —
Манаастан ордугу көрбөппүт.
Уустар Иллэрин сүбэтэ
Уолу сөбүлүү иһиттэ.
Баһылыга суох Ил буолбат
Өстөөхпүтүн өһөрөргө,
Сатаан сөпкө дьаһанарга,
Бас-көс киһи булуохтаахпыт.
Кини уһун, мындыр өйдөөх,
Күүстээх-уохтаах, киэҥ көҕүстээх,
Кыргыыстарга бигэ тирэх,
Өстөөхтөргө сытыы кылыс,
Алтаай бары омуктарын
Баһылыга аатырыахтаах,
Ил кинини ылыныахтаах.
Манаас оннук буолуор сөптөөх —
Эдэр баатыр албан ааттаах,
Булгуруйбат эр санаалаах,
Күүһэ модун, өйө мындыр,
Дьаһанара кыахтаах, дьоһун.
Үгүс кинини сөбүлүүр,
Манаас хаан буоллун дии саныыр.
Сөбүлээбэт дьон да бааллар,
10