Page 16 - Кун кууьар хайатыттан

Дьэ ол диэн — олус үчүгэй!
Кыргыз тыыммакка даҕаны
Миигин истэр буоллаҕына
Миэхэ, поэкка — үчүгэй!
Кэрэ кыыс ситэр кэмигэр
Киэргэнэрэ — дьикти үчүгэй.
Оттон кырдьаҕас дьон н о
Хойуу чэй иһэр — үчүгэй.
Оҕо сааска кулуннуун сырсан
Оонньуур, көрүлүүр — үчүгэй.
Аһаҕас дууһалаах киһи ол
Тыһыынча үөрүүнү булуоҕа —
Ол эмиэ олус үчүгэй;
Туолбут тоҥ ыйы одуулуо,
Нарын кэргэниҥ убуруо —
Ол эмиэ олус үчүгэй.
Кыыс оҕо, уолан дьон күлүүтэ
Ыһыахха сүрэҕи манньытар,
Көрүлүүр-нарылыыр — үчүгэй,
Бу ишан3, бу мулла4 кэллилэр,
Кинилэр үөрүүнү билбэттэр,
Кинилэргэ үҥэллэрэ эрэ — үчүгэй.

Моисей Ефимов тылбааһа

ОЛОХ

Эдэр киһи эмэн буолбат,
Ахсым ат ырбат буоллар!
Бар дьон бары матыспакка
Баай-дуол, көҥүл дьылҕаланнар!
Хаарыан күөх от тырым алла
Хагдарыйбат буоллар!

3 Ишан — монахтары үөрэтээччи, салайааччы.
4 Мулла — итэҕэл үлэһитэ.
14