Page 200 - Кун кууьар хайатыттан

Мин. Барыны бары хайдах баарынан ааттыахха наада.
Азиз. Быһыыта, сөпкө этэҕин ээ.
Мин. Оттон эн бачча тыалга байҕалга туту тына сырыт-
тын?
Азиз. Хатааһылаатым.
Мин. Манна сынньана сылдьаҕын дуо?
Азиз (толкуйдуу түһэн баран). Ээ, оннук курдук. «Погра­
ничник» диэн санаторийы билэҕин?
Мин. Ээ, оччоҕо эписиэр буоллаҕыҥдуу?
Азиз. Сөпкө таайдыҥ. Илин сулууспалаабытым, патруль-
най катерга хапытаан этим да, онтон уурайан сылдьабын.
Мин. Сааһыҥ хаһый ол аата?
Азиз. Отутум.
Мин. Астаапкаҕа барарга эрдэ курдук.
Азиз. Оттон оннук буолан хаалбыта.
Мин. Сөөп, бэрээдэги кэстэҕиҥ дии ол аата! Арыгылаан
дуу, хаартылаан дуу, опиумнаан дуу буолуо, эдэр кыргыттары
иирдибитиҥ буолуо. Дьэ хайаабыккыный, эт эрэ миэхэ.
Азиз. Ээ, аньыы-хара мустубут ахан киһитэбин.
Мин (күлэ түһэн баран). Оттон кырдьыгынан эттэххэ,
хайдаҕый?
Азиз. Кырдьыга итинтэн арыый атын. Кэпсээтэххэ уһуна
бэрт буолуо.
Мин. Соруйан интэриэспин көбүтэҕин дуу?
Азиз. Эс суох, хаһан эрэ кэлин кэпсиэм...
Мин. Арай кэлин кыаллыбатын?
Азиз. Оччоҕо эн санааҕар туох эрэ таабырыннаах дьикти
киһи буола сылдьыам буоллаҕа дии.
Мин. Күһүнэ сайыҥҥылыы сылаас Крымҥа дуу, Кавказ­
ка дуу сынньаммакка, тоҕо бу дойдуну буллуҥ?
А з и з. Бу мин төрөөбүт-үөскээбит сирим.
Мин. Манна кэргэниҥ, оҕолоруҥ, төрөппүттэриҥ баал-
лар дуо?
Азиз. Дьиэ кэргэн диэн суох киһитэбин. Төрөппүттэрим
эмиэ суохтар.
Мин. Оччоҕо быраҕыллыбыт оҕо буоллаҕыҥ?
Азиз. Ээх, биллэн турар, оннук. Өйдүүбүн ээ, төрөөппүн
кытта миигин Саҥа дьыл үүнэр түүнүгэр үп миниистирин
198