Page 197 - Кун кууьар хайатыттан

ДУЭЛЬ
(Биэс оонньуулаах драма)
Мин дьахтарбын. Аатым Н а з и. Сүүрбэ икки саастаахпын. Икки эдэр
киһи Искандер уонна Азиз диэннэр. Уонна ким да суох. Арай
бүтүүтүгэр сиэстэрэ к ы ы с кэлэр.

Бастакы оонньуу
Сайын бүтэһик күннэригэр Ысык-Көл күлүмүрдэс күөх долгуннара
хараҥаран хаалаллар. Халлааҥҥа уулаах хара былыттар ыадыһан тахсан-
нар ардаҕынан бытырыыстаналлар, улуу күөл байҕал курдук будулуйа
оргуйар. Copoijop этиҥ этэр, чаҕылҕан чаҕылыйар, ол эрээри бу — са­
йын бүтэһик көстүүтэ. Хайалар диэкиттэн охсор тыал хаар сытын аҕа-
лар. Соҕуруу диэки айан көтөрдөрө субуһаллар. Иччитэхсийбит кытыл.
Курас тымныы киэһэ. Байҕал баалыра охсуллан тыаһыыр-ууһуур. Күөл
үрдүнэн туруйа үөрэ наҕыллык, биир тэҥник кынаттарынан сапсынан
кетөн ааһа турар. Мин кытылга турабын. Тыал баттахпын үрэллэҥнэтэ
оонньуур, чараас былааччыйабын тэлибирэтэр.
— Э-һэ-һээй, туруйалаар! — халлаан диэки хайыһан туран хаһыы-
тыыбын. — Ханна көттүгүт?! Миигин илдьэ барыҥ даа! Э-һэ-һээй!
— Э-э-эй! — диэн ой дуораана үөһэттэн дуу, аллараттан дуу иһиллэр.
— О-һо-һоой!
— О-һоой! — диэн харда чопчу байҕал диэкиттэн охсуллан ааһар.
Суох, бу ой дуораана буолбатах. Долгун үөһүттэн ким эрэ миэхэ хаһыы-
тыыр эбит! Былааппынан далбаатыы-далбаатыы, кытыл устун сүүрэбин.
— Кэл, кэл, мин манна баарбын!
— Баран иһэбин! — диир саҥа иһиллэр.
Долгуҥҥа оҥочо эйэҥэлии устан иһэрэ көстө түһэр. Чочумча буолан
баран отуччалаах эдэр киһи кытылга тахсар.
А з и з. Туох буолла? Эн миигин ыҥырдыҥ дуо? Тугу көмө-
лөһөбүн?
М и н. Суох.
А з и з. Оччоҕо ким хаһыытаабытай?
Мин. Мин!
Азиз. Хайдах буоллуҥ?
Мин. Суох.
Азиз. Киһи хаһыытырын истээт, көмөлөһө охсоору кэл-
лим. Муора сокуона оннук.
Мин. Оттон эн бэйэҥ көмөҕө ыҥырар курдук этиҥ буол-
бат дуо?
Азиз. Урут бастаан эн хаһыытаабытыҥ дии...
195
13*