Page 222 - Кун кууьар хайатыттан

Туох буоллуҥ? Бэҕэһээ аҕай доҕордуулар курдук иллээхтик
кэпсэтэр этибит... Миигиттэн сылтаан айдаан таҕыста дуу?
Мин баспын быһа илгиһинним.
Баһаалыста, эт эрэ, хайдах буоллуҥ?

Мин кини диэки холустук эргиллэн, туран кэллим.
Кини буруйдаммыттыы мичээрдээбитинэн миигин көрөн олороро.
Бу киһи тоҕо мин олохпор көстүбүтэ буолла дии санаатым.
Онтон кинини туох эрэ диэн үөҕэн, өһүргэтэн, аны хаһан да миэхэ
эргиллибэт гына үүрэн ыыппыт киһи, оччоҕуна ол хайабытыгар да
ордук буолаарай диэн сүөргү толкуй көтөн түстэ. Хата, таҥара
көмөтүнэн, инньэ гыммакка хааллым. Саҥата суох балааккабар
тиийэммин Бурбону ылан аҕалан, Азизка туттаран кэбистим.
Азиз. Аккаастанныҥ дуу (мүчүк гынна) тулаайах эрэй-
дээхтэн?
М и н. Кини миигиттэн аккаастанар.
А з и з. Ааттаһабын, эт эрэ, уопсайынан, туох буолла?
М и н. Улахан туох да буолбата. Көннөрү ону-маны бил-
лим.
А з и з. Ол тугу биллиҥ?
М и н. Ону эн билбэтэҕиҥ ордук.
А з и з. Ол сыыһа, чиэһинэйэ суох. Миэхэ сыһыаннаах
буоллаҕына, мин билиэх тустаахпын.
М и н. Эйиэхэ даа? Ээ, кырдьык, эйиэхэ эмиэ сыһыан-
наах. Мантан инньэ тоҕо эрэ миэнэ, тус бэйэм киэнэ, барыта
эйихэ сыһыаннаах буолан иһэрэ сүрдээх да буолар эбит. Эн
онно, муораҕа хорсун быһыыны оҥорбутум дии саныыгын.
Оттон мин санаабар, эн онно буруйу оҥорбуккун.
А з и з. Мин дуо? Тоҕо инньэ дииргин олох өйдөөбөтүм.
М и н. Эн! Баҕар, ол быыһаабыт дьонуҥ ортотугар кыы-
һын чиэһин атыылаабыт ийэ, эдэр кыыһы сирэйэ-хараҕа суох
албыннаабыт уонна оҕо төрөтөр дьолтон матарбыт сидьиҥ
киһи бааллара эбитэ буолуо. Баҕар, онно туох да буруйа суох
сиэртибэбин дэнэр акаары дьахтар баара буолуо. Баҕар, онно
бастыҥ доҕорун сымыйанан холуннаран саакка-суукка тэбэн
баран, кэргэнин кыра оҕолорунуун таһырдьа үүртэлээн, дьиэ-
лэрин былдьаабыт киһи баара буолуо. Баҕар, олору кытта та-
лааннаах эдэр кыргыттарга дураһыйааччы инчэҕэй уостаах
тараҕай администратор эмиэ баара буолуо. Оттон эн ити си-
220