Page 217 - Кун кууьар хайатыттан

анныгар водокачкаҕа кыргыһааччылар даҕаны... уонна Вла­
димир Комаров эмиэ ити курдук толкуйдаан олохторун толук
уурбуттара буолуо...
М и н. Биири өйдөөбөппүн... Киһи баҕа өттүнэн бэйэтин
олоҕун толук уурара туох суолталаах буолуон сөбүй? Наһаа
ынырык дии.
А з и з. Онтон атын суол суох буоллаҕына, суолталанар
буоллаҕа...
М и н. Хата эн табыллыбыккын дии?
А з и з. Тоҕо инньэ дии санаатыҥ?
М и н. Ол күн дьуһуурунайдаабатаххын быһыылаах.
А з и з. Дьуһуурунайдаабытым.
Биһиги саҥата суох олордубут. Мин аһара аймана долгуйдум.
Оо, акаары да эбиппин... Бэҕэһээ кэпсээбитим киһи кэлэйиэх, туох
да суолтата суох, олус да саатыылаах эбит. Салгыы туох да диэхпин,
хайдах да буолуохпун билбэт курдук буоллум. Киниэхэ туох эрэ үчүгэйи
этиэхпин баҕардым да, биир да сөптөөх тылы булан эппэтим.
Оо дьэ, эмиэ хомоттум дуу? (Чаһытын көрдө.) Күнүскү
аһылык чугаһаабыт. Сотору эбиэттэтэ ыҥырыахтара. Суохпун
биллэхтэринэ, кутталларыттан түрүлүөн бөҕө буолуохтара.
Ала чуо бу күннэргэ быраастарым хас хардыыбын кэтии сыл-
дьаллар. Сарсын кэлэ сылдьыам. Чао!
М и н. Мин эйигин күүтүөм...
Кини оҥочотун ууга анньаат, ойон киирэн уста турда, отгон мин,
эбисийээнэбин туппутунан, биэрэккэ туран хааллым. Ыраатан баран
Азиз: «Бурбону атаҕастаама, кини үчүгэй уол!» — диэн хаһыытаата.
А з и з көстүбэт буолбутун кэннэ, мин эбисийээнэни сиргэ быраҕан
баран, кытылга сүүрэн тиийэн, икки ытыспын айахпар холбоччу тутан
хаһыытаатым:
Арай эн өрөбөлүүссүйэни оҥорботох, Испанияҕа өлбөтөх,
космоска көппөтөх, хараабыллары быыһаабатах буол? Онноо-
ҕор тус бэйэҥ олоххун сатаан оҥостуммакка, соҕотохсуйан
эрэйдэнэр буол? Оччоҕо хайыыбын?
Тыал байҕал диэкиттэн үрэрэ. Харда суох буолла.
Мин тура түстүм, онтон Бурбоммун сиртэн ылан, кытылтан тэйэ
түһээт, кумахха олорунан кэбистим.
Искандер. Нази-и!
Бастаан эбисийээнэбин кистээри гынан баран тохтоотум.

215