Page 220 - Кун кууьар хайатыттан

бутум, оттон кэргэммэр милииссийэҕэ түбэспитим диэн сы-
мыйалаабытым. Өйдөөбөккүн дуо?
Мин куруутун умна сатыыр дьаабы киэһэбин санаан кэллим уонна бары-
тын өйдөөммүн сымыһахпын быһа ытыран саҥата суох олордум.
Искандер. Хайа, тоҕо саҥаҕыттан маттыҥ? Салгыы
мөккүһүөххэ.
Мин. Оо, аньыы даҕаны, бука бары кирдээх, быртах да
дьон эбиппит! (Сирэйбин илиибинэн саба туттабын.)
Искандер (илиитин санныбар ууран баран). Чыычаах, эн
итини субу саҥардыы биллиҥ, оттон мин билбитим ыраат-
та — аҕабын бастыҥ доҕоро сымыйанан холуннарбытыгар,
оттон иккис эрэнэр доҕоро ийэбэр иҥээҥнээн сордообутугар,
онтон, санаатын сиппэккэ, квартирабытыттан үүрдэрэн та-
һааран сир-халлаан икки ардыгар бырахтарбытыгар. Дьон ба­
ры биһигиттэн тэйбитэ, тумна сылдьар буолбуттара. Күн аайы
биһиги айахпытын булунар туһугар өрө мөхсөрбүт. Түүннэри
ыстаансыйаҕа баран чохтоох, сытыйбыт арбузтаах вагонна-
ры куруустаһарым, кыра-кыралаан үспүкүлээннээн эргинэр
буолбутум. Арай биир аймахпар тиийэн уон солкуобайы иэс
көрдөөтүм. Кинилэртэн тахсан барбытым кэннэ кыһыл көмүс
чаһылара сүппүт, ону баһаарга аччык сылдьар бөрө курдук
оҕоҕо, миэхэ, түһэрдилэр. Кэнники ол чаһыларын кыра оҕо
дьыбаан кэннигэр түһэрбитин булбуттар этэ. Мин ол аймах-
тарбар кэлэн түннүктэрин барытын тоҕута сынньан кэбистим.
Онуоха тутан ыланнар илдьи кырбаан кэбистилэр... Дьон
диэн итинник! Ону эн кинилэр тустарыгар өл диигин. Баҕар,
ханна эрэ аньыыта-харата суох сибэтиэй дьон баара буолуо
да, мин оннуктары көрсө иликпин. Били бостону хайдах да
гынан букатын умнубаккын дуу? Аанньал курдук сананаргын
уурат. Тыыннаах буолар мөккүөр эйигин син-биир талбы-
тынан хам баттыа, оччоҕо дьон сидьиҥиттэн соһуйбат, кэ-
лэйбэт буолуоҥ — сидьиҥ быһыыны бэйэҥ оҥорорго хайыы
үйэҕэ бэлэм буолуоҥ!
М и н. Уонна бүттэ дуо? Мантан ордук уонна туох да суох
дуо? Итинтэн атын кырдьыкпыт суох буоллаҕа дуу?
Искандер. Кырдьык диигин дуо? Ити барыта материя
хамсааһына, чыычаах, материя хамсааһына, материя урусхал-
ланыыта. Буомба эстиитэ. Көрсүһүү. Арахсыы. Төрөөһүн.
218