Page 346 - Кун кууьар хайатыттан

— Тугуй, Шумкалпак хаһан эмэ эппитин толорботоҕо
дуо? — Шумкалпак өһүргэммиттии туттар.
— Оччотугар биһигини маҥхааһайга төттөрү илдьэҕин,
сө-өп? Хайыыбыт, кыргыттар, сөбүлэһэбит дуо? — били Ме-
йилкан сол да дьаһалымсыйар.
— Сөбүлэһэн-сөбүлэһэн! Хараҕын эрэ быһа симтин!
— Хараххын can! — Мейилкан дьаһайар.
Оо, аил кыбыстанньаҥ кыргыттара!..
Шумкалпак хараҕын быһа симэр. Ол эрэн хас биирдиилэ-
рин хайдах ууруулларынан син биир билэттиир. Бу — Карлы-
гач! Бу уурабыл барыларын солбуйар уохтаах! Кини сирэйин
сылаас, сымнаҕас уостар таарыйааттарын — аан дойду таҥна-
ры хойуостар, харыйа бэрдьигэһинэн саба үүммүт хайалар,
үрэх, киэҥ нэлэмэн хонуу... Туох да диэххиний — ити түгэҥҥэ
аан куйаар бүтүннүү ханна эрэ күдэҥҥэ көтөн хаалар, отгон
кини этэ-сиинэ минньигэс-минньигэстик атыйар, ону кытта
сиһигэр ип-итии, астык да астык нуурайыы иҥэн киирэр...
Аилга күһүн олус үөрүүлээх. Уонна, дьиктитэ диэн, кү-
һүнүн дьон мээнэ иирсибэттэр, кыыһырсыбаттар, ордук үтүө
санаалаах, махталлаах, амарах буолаллар — күһүҥҥү кэм
дьоҥҥо дьэллэм, судургу, аламаҕай майгы аһын-отонун бэ-
лэхтиир муударай кырдьаҕас кэриэтэ.
«Бу күрүөйэх олоҕун сах сиэтин! Бу кэриэтин тыыннаах-
тыы хаайыыга сытыйбыт быдан ордук! Миигин тыыннаахтыы
буһардыннар, уокка сырдьыгыната хооруйдуннар, баҕар, ыттар-
га бырахтыннар, манна олоруох кэриэтин ол быдан ордук...»
Кини халпаҕын хараҥаҕа көрдөөн көнтөрүктүк хаһыста.
Булан, лэппиэскэтин уонна маймындьаанын окко таҥнары
тутта, онтон төбөтүгэр анньынна уонна сиргэ ыстанан түстэ.
«Барыам, — диэн титирэстии-титирэстии булдьугураата. —
Түксү! Дьоҥҥо тиийиэххэ, кинилэр миигин өйдүөхтэрэ... Бу-
руйбар күннэри-түүннэри буор хаһан бурҕайыам... Умайбыт
бурдугу толуйар курдук сан а үүнүүнү ылыаҕым!»
Халтаҥ сонун эҥээрдэрин ыга тардынна уонна барбах
көстөр ыллыгынан түргэнник хаамта.
«Өйдүү сатааҥ дуу диэн этиэҕим. Буруйбун үлэнэн толу-
йуом. Онно хаалбыт олохпун бүтүннүү аныаҕым. Олоҕум
онно тиийиэҕэ! Сиргэ тииспинэн түһүөҕүм, тыҥырахпынан
хорутуоҕум, оннук ирдэнэр буоллаҕына, хас биир туорааҕы
344