Page 347 - Кун кууьар хайатыттан

илиибинэн олордуоҕум... Мин инники олоҕум уһун! Олоҕум
онно тиийиэҕэ! Булгуччу тиийиэҕэ!»
Кини, ити тыллары алгыс дуу, андаҕар дуу кэриэтэ ха-
тылыы-хатылыы, ыллык устун хааман испитэ. Оттон арҕаа-
лаабыт күн Шумкалпак биир күнэ ааһан эрэрин бэлиэтээн
киирэн эрэрэ, кини ону да аахайбата.
«Өйдүү сатааҥ дуу диэҕим... Дьон букатыннаахтык таҥна-
ры хайыһарын курдугу мин оҥорботум... Биллэр, мин буруй-
даахпын, миигин буруйдуох тустаахтар, дьон миигин буруй-
даатын, ол гынан баран буруйдааталлар да, миигин адьас киэр
анньыахтара суоҕа, кинилэр миигин булгуччу аһыныахтара...
Тоҕо диэтэххэ, миигин ийэм бэйэтин үүтүнэн эмсэхтээбитэ
эрэ, отгон атахпар дьон туруорбута, кинилэр миигин дириҥ
хайдах да тахсыбат аҥхайбар умса анньыахтара суоҕа... Эдэр
да, кырдьаҕас да дьоҥҥо, дьахталларга эмиэ, мин буруйдаах-
пын, ол эрээри миигин эһиги аһыныҥ диэн көрдөһөн этиэ-
ҕим... Иччитэх толооҥҥо быстыах кэриэтин, дьон ортотугар
өлбүт ордук диэҕим. Ол эрэн кинилэр миигин өлөттөрүөхтэрэ
суоҕа. Булгуччу өрө тардыахтара, аһыныахтара, өйдүөхтэрэ...»
Кини бэйэтин аилыгар тахсар Таш-Кия хапчааныгар тии-
йэн баран биирдэ тохтоото. Соруктаах сиригэр диэри үс ки-
лэмиэтири кыайбат хаалла, бу дабаанын кыйан кэлбит хайа-
тын үрдүгэр таҕыстаҕына, аилы уонна олохтоохтору холкутук
көрөр кыахтаах. Ол эрээри Шумкалпак үөһэ тахсар сэниэтэ
суоҕа: куурбут тамаҕа уотунан хайа салыыра, оттон атахтара
өр кэмнээх хаамыыттан хаһан да буолбатаҕыныы дыыгы-
ныыллара.
Намталга түһэн баран, кини оҕо сааһыттан билэр дьүүк-
тэтин эрэйэ суох булла. Оччолорго кини бу сиргэ чочунаах-
тыы, күөх лууктуу кэлэ сылдьан элэстэнэ сүүрэрэ. Умса түһэ
сытан өөр истэ, онтон сирэйин илитэн ылаат, ырбаахытын
тэллэҕинэн сотунна. Салгыы барыаҕын саараан чочумча оло-
ро түстэ.
Эмискэ: «Арай, аил бурдуктаах бааһынаны кытары бүтүн-
нүү умайан хаалбыт буоллун?..» — дии санаата. Ынырыктык
куттанна, ойон тураат, аилы көрөөрү, талах-тамалҕан диэбэк-
кэ, тохтообут сиринэн көбүс-көнөтүк хайа үөһэ харбыаласта...
Аил урукку оннугар турар эбит. Шумкалпак хараҕа аил
345