Page 370 - Кун кууьар хайатыттан

Ке р марал. Togo диэтэр... тоҕо диэтэр, уон үйэҕэ биирдэ...
Б у г у ч а р. Туох... туох уон үйэҕэ биирдэ?
Кермарал. Этиллиэ суохтааҕы быктардым. Хаайыма.
Бобуулаах.
Б у г у ч а р. Ким боппутай?
Кермарал. Кайберен Ийэ. Биһиги араҥаччыбыт. Ки-
нилэртэн бэлиэ кэлэ илигинэ этиллиэ суохтаах.
Б у г у ч а р. Ол ханнык бэлиэ буолуохтааҕый?
Кермарал. Түксү. Утуйуохха. (Хобо чуораан тыаһа
иһиллэр.) Оо, Айыы Тойон!..
Б у г у ч а р. Ийэкээ... тугуй?
Кермарал. Бэлиэ... Араҥаччыбыт Кайберен Ийэ хобо
чуораана. Уон үйэҕэ биирдэ биллэн ааһар бэлиэ. Бу үтүө бэ­
лиэ, тугутчааныам...
Б у г у ч а р. Ийэкээ, миигин «тугутчааныам» диэмэ. Улаат-
тахпына... күүстээх уонна кэрэ да кэрэ таба буолуом.
Кермарал. Улааттаххына кэрэ фея буолуоҥ дии... От­
тон билигин эн тугутчаантгын.
Б у г у ч а р. Оттон иккис үтүө бэлиэ баар дуу? Билиэхпин
баҕарабын.
Кермарал. Тааска түлпээн үүнэр. Оччоҕо биһиэхэ үтүө
кэм эргийэр.
Б у г у ч а р. Оттон үһүс бэлиэ? Үһүс бэлиэ хайдаҕый?
Кермарал. Икки атах ытык тылы ыһыктыа...
Б у г у ч а р. Ханнык?
Кермарал. Ону билэр наадата суох.
Б у г у ч а р. Уон үйэҕэ биирдэ өссө туох буолуой?
Кермарал. Уон үйэ анараа өттүгэр... Айыы Тойон
ыйааҕынан Кайберен Ийэ биир кыыһа икки атахха кубулуй-
бута.
Б у г у ч а р. Дуо?! Хайдах ол? Ийээ, кэпсээ...

Төрдүс оонньуу
Номох
Хаардаах хайа оройо. Саас.
12—14 саастаах кэрэчээн к ы ы с о ҕ о таба таҥастаах, хомус
тарда-тарда, тугуттары кытга оонньуу сылдьар. Т у г у т т ар таастан
тааска ойуоккалыыллар. Оонньуу аата — «Так-теке». Кыыс төбөтүгэр
таба тириитэ бэргэһэлээх.
368