Page 52 - Кун кууьар хайатыттан

Саба түһэн үргүтүөх.
Күлэ-күлэ, кыыллыы үрэ
Үрдүн тууран ылыахха
Уонна дьиҥи булуохха:
Ханнык кут нуктуу сытарын,
Ханнык кырдьык саспытын?
Ким иэрийэ ытыырын?

Тыал,
Эйигин мин билэбин:
Эн төрүөххүттэн мэниккин.
Ханна сүттүн? Соҕотоҕун
Кумах куйаарга сылдьаҕын?
Туһата суох сиртэн кыйдан,
Чуумпубутун уһугуннар.
Эйигинэ суох манна
Чуумпу уонна кураанах,
Иэйии уостар,
Күн-дьыл тохтуур...
Аймалҕаннаах холоругум,
Көҥүл куттаах доҕорум!
Саҥата суох хаалымыахха,
Эн биһиги сырдык күүстэр
Буойуттара буолабыт.

Бүгүн түүн бүгэ сыппакка,
Баараҕай тиити хамсата
Хара тыаны долгутуох,
Имик-самык, үдүк-бадык
Утуктаабыт туланы
Күлэ, оонньуу үргүтүөх,
Нухарыйбыт халҕаһаны
Арылыччы арыйыах,
Күрүө аанын баҕанатын
Оннун түөрэ хамсатыах.
Эн биһиги сарсыарданан
Ыалдьыттаабыт күммүтүн,
Үйэлэргэ умнубакка,
Өйдүүр-саныыр буоллуннар.
50