Page 49 - Кун кууьар хайатыттан

Батыһа көрөбүн — көрүүм аны эргиллибэт,
Уорастыгас пансат тыйыс көрүүтэ
Миигин кыҥыыр... кыына суох кынчаал...
Буруйдаах киһи чугуйан хаалабын.

«Алҕас! Мин ыалдьыт буолан, тылла турар
Үйэҥ мөҥүөнүгэр анаан кэлэ сылдьабын,
Эн дьиэҕэр утах ханнара кэлбэтим,
Күөс быстыҥа эрэ — манна кэлиим!

Кыыс кэрэтинэн үлүһүйдэрбин да,
Сүрэх ыраас, санаам чараас...»
Пансат үөрэр. Мичээрэ көрөр.
Илии тутуста — сүрэхпин уоскутта.

Ол кэмҥэ саҥа дьэргэлгэн уһунна,
Тэбиэн үөрэ, караван субуллар,
Хаан сэрии кэннэ эргиллэн иһэрэ,
Буойун турбата кырыктаахтык тыаһыыр.

Аттаахтар сэлэлээн көтүтэн ааһаллар
Кынаттаах дуулаҕа, алтан куйахтаах.
Оҕолор батыһа аймана ааттыыллар
Аҕаларын аатын умнубат иннигэр.
Сүрэх кулунчуктуу толугуруура
Тэһиин тарда, куйах дьигиһитэ.
Дьахтар булбута кырдьаҕас сирэйигэр —
Хаһан эрэ эдэр кэргэнин мөссүөнүн.

Тыһыынча сыл үөрдүһэ сүүрэр
Баттаатахха маталдьыйбат Аан дойдунан.
Кэм-кэрдии хардыытын өссө кэҥэтэр,
Тэтимин түһэрбэт Улуу Куйаарбар.
Иллэҥ олорон айбытым өлбөөрөр,
Сир ньуура сыҕарыйбытын өйдөөн.
Төлөпүөнүм тыаһа ыҥыра ньиргийэр,
Тэбиэн лыҥкынас чуорааныныы.

47