Page 53 - Кун кууьар хайатыттан

* * *
Буоллун ээ, биир сиргэ хатанан
Олорботун, олорботун поэт —
Салгына суох, өлбөөрбүт бороҥ күннэр
Халҕаһалара тыынын хаайаннар
Чиргэл мастыы үүнэр
Көҥүл кутун куурдуохтара.
Оччоҕуна,
Норуотугар тиэрдэр ыллык оһон,
Айар дьоҕурун кутаата өһүө,
Өлөрөр чуҥкук олох бүрүүкүө...
Киһи салҕар күнүүһүт дьахтарыныы
Күнүүһүт орон тэллэҕэ күүтүө.

Байҕал үөһүгэр быраҕын
Поэты —
Долгуннары айааһыы оонньоотун.
Сырдыга суох түҥкэтэх, хара тыаҕа
Муннарын муҥнаах поэты —
Сур бөрөлүү айаҕын ииттиннин.

Үрдүк хайа муустаах өргөһүтгэн
Көрдүн хочо кэмнэммэт кэрэтин;
Соҕотоҕун ол үрдүккэ олорон
Олох кистэлэҥнэригэр тиийдин.
Ракета буоллун! Суох!
Кырыктыйбыт Ийэ сирбит үрдүнэн
Көтөн таҕыстын халлаан эттигинии
Этиҥ тылынан өрөгөйдүүр поэт.

Оннук эрэ буоллун,
Оннук эрэ,
Поэт кута — күн дьиктитин курдук —
Сирдээҕи олохтон киртийбэт аналлаах;
Кини —
Күн тыыннаах бытархайа,
Кыайыыга диэри биир хардыы хаалбыт
Кыргыһыы кылыһыныы
Мөлүйүөн бытархайга бытарыйдын.

4* 51