Page 130 - Курбуьахтар А5а дойду кемускэлигэр

анаабыттар. Оччотооҕу маҕаһыыннар табаары эрэ атыылааһынынан буол-
бакка, нэһилиэнньэттэн киирэр нолуок арыыларын, түүлээҕи, онтон да
атын тыа хаһаайыстыбатын бородуукталарын тутан, куоракка ыыталлара.
Биир сыл үлэлээтин кэннэ Гаврилы пайщиктаахтар мунньахтарынан сель­
по солбуйар бэрэссэдээтэлинэн, онтон салгыы сельпо бэрэссэдээтэлинэн
быыбардаабыттар.
1940 сыллаахха алта ыйдаах кооперативнай эргиэн курсугар үөрэнэ
киирбит. Бу үөрэнэ сырыттаҕына сэрии саҕаланан, 1941 сыл от ыйын
30 күнүгэр фроҥҥа ыҥырыллыбыт. Биир дойдулааҕын тыа хаһаайысты-
батын техникумугар үөрэнэ сылдьар Пухов Афанасий Васильевиһы кытта
бииргэ сэриигэ барбыттар.
Бастаан Чита куоракка сибээс үөрэҕэр, онтон 77-с разъезд диэҥҥэ ил-
дьэннэр миномекка үөрэппиттэр, наводчик буолбут, сержант званиелаах.
Фроҥҥа 1942 сыллаахха 914 стрелковай полкаҕа 147-с биригээдэ састаабы-
гар киирсэн Старай Русса оройуоҥугар сэриилэспит. Балаҕан ыйыгар Арза­
мас куорат таһыгар улаханнык бааһыран госпитальга эмтэммит. Үтүөрээт
салгыы Ржев таһынааҕы кыргыһыыларга кыттыбыт. Ити кыргыһыыларга
хорсун быһыыны көрдөрбүтүн иһин Албан аат III истиэпэннээх уордьа-
нынан наҕараадаламмыт.
Өр госпиталларга эмтэнэн, инбэлиит буолан 1943 сыллаахха дойдуту-
гар төннөн кэлбит. Сэрииттэн кэлээт Мүрү сельпотугар үлэтин саҕалаабыт.
Райсоюз бэрэссэдээтэлинэн ананан, оройуон эргиэнин салайбыт.
1947 с. биир сыллаах партийнай курстарга үөрэммит. Үөрэҕин кэннит-
тэн Бүлүү оройуонугар үс сыл эргиэн тэрилтэтин салайбыт. Москваҕа биир
сыллаах үрдүкү кооперативнай Курска үөрэммит. 1952-1958 сс. Амма оро­
йуонугар эргиэн тэрилтэтин ситиһиилээхтик салайбыт.
Бочуоттаах сынньалаҥҥа тахсыар диэри Нам оройуонун райпотребсою-
һун бэрэссэдээтэлинэн уһун кэмҥэ дьон-сэргэ махталын ылан үлэлээбит.
«Саха АССР эргиэнин үтүөлээх үлэһитэ», «Нам оройуонун бочуоттаах
гражданина» ааттары ылбыт. «Саха Республикатын норуотун хаһаайысты-
батын үтүөлээх үлэһитэ» үрдүк аат иҥэриллибит.
Гаврил Иосифович Албан аат III истиэпэннээх уордьанынан (1947), Аҕа
дойду сэриитин I истиэпэннээх уордьанынан (1985), Кыайыы үбүлүөйүнэй
мэтээллэринэн наҕараадаламмыт.
Кэргэнинээн Мария Максимовна Васильевалыын икки уол, икки кыыс
оҕоломмуттар, элбэх сиэннээх уонна хос сиэннээх.

Уус Алдан Албан ааттаахтара.— Бороҕон, 2015 —С. 51-53.

112