Page 135 - Курбуьахтар А5а дойду кемускэлигэр

Ким да умнуллубат, туох да умнуллубат!

саҕалаабыт. 1990 сылга диэри тутуу эйгэтигэр эҥкилэ суох үлэлээбитэ.
Кини аата Уус Алданнааҕы ПМК Бочуотун кинигэтигэр киллэриллибитэ.
Егор Романович Аҕа дойду сэриитин II истиэпэннээх уордьанынан,
«Японияны кыайыы иһин» уонна Кыайыы үбүлүөйүнэй мэтээллэринэн
наҕараадаламмыт.
Местников Е. Р. олоҕун сиэннэрэ, хос сиэннэрэ салгыыллар.

Андросов, Д. Буойун, механизатор, тутааччы / Дмитрий Андросов // Мүрү саһар-
ҕата. — 1996.— Муус устар 27 к.
Сэрии бэтэрээнэ, үлэһит бэрдэ этэ // Мүрү саһарҕата.— 2010.— Балаҕан ыйын 15 к.

МЕСТНИКОВ ИВАН МИХАЙЛОВИЧ
(1909-1942)

1909 сыллаахха I Курбуһах нэһилиэгэр Михаил
Тимофеевич уонна Мария Васильевна Местниковтар
дьиэ кэргэннэригэр маҥнайгы оҕонон төрөөбүт. Олор-
бут сирдэрэ Истээх, сайылыктара Ат Баһа. 1925 сыл-
лаахха Дүлүҥнээххэ дьиэ туттан олохсуйбуттар.
Иван ликбезкэ үөрэнэн ааҕар, суруйар буолбут.
1930 сыллаахха «Санаммыт» ТОЗ солбуйар бэрэс-
сэдээтэлинэн, 1934 сыллаахха «Кыһыл хардыы»
холкуоска кыладыапсыгынан, 1937 сыллаахха Уус
Күөлүн маҕаһыыныгар атыылааччынан үлэлээбит.
Онтон 1939 сыллаахха «Холбос» систематынан
аһыллыбыт Төҥүлүтээҕи сельхозтехникум торговай отделениетыгар үс
ыйдаах инструктор-товаровед курсун бүтэрэн, Бороҕон наспотугар киирэн,
Чирэпчигэ атыылааччынан үлэлээбит. Манна үлэлии олорон Портнягина
Февронья Николаевна диэн кыыһы кэргэн ылбыт.
1941 сыл бэс ыйын 10 күнүгэр Чурапчы байыаннай комиссариатынан
ыҥырыллан бастакы хомуурга сэриигэ барбыт. 1942 сыл атырдьах ыйыгар
Москва анныгар Петрищево дэриэбинэ таһыгар сэрии толоонугар охтубут,
ханна көмүллүбүтэ биллибэт.
Кэргэнэ Иван сэриигэ барарыгар хат хаалбыт уонна 1942 сыл тохсун-
ньу ыйыгар уол оҕоломмут, аҕатын кэриэстээн Иван диэн ааттаабыттар.
Уола Иван Иванович төрөөбүт нэһилиэгэр уһуннук суоппарынан үлэлээн
пенсияҕа тахсыбыта. Кэргэнэ Клара Николаевналыын 4 оҕолоохтор, элбэх
сиэннээхтэр.

117