Page 134 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

МЕСТНИКОВ ЕГОР РОМАНОВИЧ
(1926-2009)

1926 сыллаахха I Курбуһах нэһилиэгэр Истээх
алааска «Кыһыл хардыы» холкуос чилиэттэрэ Ро­
ман Васильевич уонна Александра Иннокентьевна
Местниковтар дьиэ кэргэннэригэр төрөөбүт.
Курбуһах сэттэ кылаастаах оскуолатын бүтэрэн
баран, салгыы Мүрү оскуолатыгар үөрэммит.
1942-1943 сыллардаахха Дьокуускайдааҕы учи-
тельскай институт маҥнайгы курсугар үөрэммит.
1943 сыл ыам ыйыгар Дьокуускайдааҕы байыаннай
комиссариатынан сэриигэ ыҥырыллыбыт. Младшай
командирдары бэлэмниир чааска биир сыл үөрэнэн,
152 мм «гаубица» наводчига идэни баһылаан, млад-
шай сержант званиелаах бүтэрбит. Забайкальскай
байыаннай уокурук Монголия Народнай Республикатын сиригэр-уотугар
турар 624-с артиллерийскай полкатыгар наводчигынан сулууспалаабыт.
1945 сыл атырдьах ыйыгар Японияны утары сэрии саҕаламмыта.
Е. Р. Местников сулууспалыыр артиллерийскай полката армия генерала
Кравченко командующайдаах 6-с гвардейскай танковай армия састаабыгар
киллэриллэн, Хайлар, Хинган хайаларын уҥуордаан кыргыһыыны саҕа-
лаабыта. Кини полката кимэн киирии инники кирбиитигэр сылдьыбыта,
өстөөх бөҕөргөтүүлэрин алдьатыыга-үлтүрүтүүгэ активнай кыттыыны ыл-
быта. Таонань уонна Тцуань куораттары босхолоспута. Биир ыйдаах сэрии-
лэһии кэнниттэн Квантунскай аармыйа бэриммитэ.
Сэрии кэнниттэн кини сулууспалыыр чааһа алтынньы ый бүтүүтэ Благо-
вещенскай куоракка таһаарыллыбыта. Бу сырыттаҕына кинини тутуу бата-
льонугар сулууспалата ыыппыттар. Бу кэмтэн ыла Егор Романович тутууга
уһун сыллаах үлэтэ саҕаламмыт. Кини аармыйаттан кэлиэр диэри 4 сылтан
ордук кэм устата Дальнай Восток араас куораттарыгар, ол иһигэр Владиво-
стокка, Амурдааҕы-Комсомольскайга, Николаевскайга, таас тутууга үлэлэс-
пит. Тутуу батальонугар сулууспалыы сылдьан, кэтэхтэн тутуу техникумугар
үөрэнэн икки курсу бүтэрбит, батальонугар биригэдьииринэн сылдьыбыт.
1950 сыл алтынньыга аармыйаттан демобилизацияланан дойдутугар
этэҥҥэ эргиллибит. Дьокуускайдааҕы коммунальнай техникумугар үөрэ-
ҕин салҕаан, тутуу технигын дипломун ылбыт. Үөрэҕин бүтэрээт 1952 сыл-
тан Уус Алдан райисполкомугар тутуу технигын дуоһунаһыгар үлэтин

116