Page 198 - Курбуьахтар А5а дойду кемускэлигэр

Кирилловичтыын бииргэ сылдьыбыттар. Московскай уобаласка сэриилэһэ
сырыттаҕына улахан ис-куртах ыарыыта туран, ыйтан ордук лазарекка сы-
тан эмтэммит. Үтүөрэн тахсаат Калининскай фроҥҥа сэриилэһэ тиийбит.
Фильчинов диэн командирдаах 4-с взводка сулууспалаабыт.
«Сыыр анныгар турар дэриэбинэни ылаары сыыры таҥнары атаакалаан
киирбиттэр. Биирдии саллаакка 2-лии граната, взвод аайы 9-туу бинтиэпкэ
биэрбиттэр. Өстөөхтөр күүстээх сибиниэс ардаҕынан көрсүбүттэр. Дьон
сылбах курдук охтубут. Хаан-сиин, ыһыы-хаһыы, ыар-дьулаан хартыына
этэ», — диэн кырдьаҕас фронтовик долгуйа кэпсиирэ. Көмө кэлэн өстөөх
чугуйарга күһэллибит. Ол сиргэ 800-чэкэ киһиттэн 100-чэкэ эрэ киһи хаал-
быт. Бу хапсыһыыга атаҕар улаханнык бааһыран госпитальга эмтэммит.
Кыргыһыы кэнниттэн хорсуннук сэриилэспитин иһин «Хорсунун иһин»
мэтээлинэн наҕараадаламмыт.
Үтүөрэн баран Арҕааҥҥы фроҥҥа сэриилэһэр. Онно биир кыргыһыыга
снаряд оскуолката сүрэҕиттэн чугас көхсүгэр түһэр, 8 ый устата госпитал-
лары кэрийэн эмтэнэн, II группалаах инбэлиит буолар. Дойдутугар Ньүөкү-
нүгэ 1943 сыл тохсунньу 13 күнүгэр дьоҥҥо арыаллатан, баттыгынан сыл-
дьар киһи эргиллэн кэлэр. Кэлбитэ кэргэнэ, уоллаах кыыһа сут-кураан кэ-
мигэр хоргуйан өлбүттэр.
Доруобуйата арыый да буоларын кытта, ыар кутурҕанын аһараары, хол-
куос үлэтигэр үтүө суобастаахтык үлэлээн барар. 1945 сыллаахха Ховро-
ва Анастасия Дмитриевнаны кэргэн ылар. Билигин кинини 6 оҕото, элбэх
сиэннэрэ, хос сиэннэрэ аатын ааттаталлар.
Николай Иннокентьевич 1979 сыллаахха Быччыылыкка олорон ыал-
дьан өлбүт.

Окоемов, Н. Ытык сааһым ахтыылара / Николай Окоемов,— Дьокуускай, 2015. —
С. 80.
Тыылга Кыайыыны уһансыбыт курбуһахтар / «Курбуһах нэһилиэгэ» муницип.
тэриллии дьаһалтата; Н. С. Пестряков аатынан Уус Күөлүнээҕи модель, б-ка,—
Дьокуускай, 2020,— С. 90-91.
* * *
Алексеев, С. Мин ветеран эһэм / Сережа Алексеев 11 Мүрү саһарҕата,— 2005,—
Алтынньы 8 к.

180