Page 203 - Курбуьахтар А5а дойду кемускэлигэр

Ким да умнуллубат, туох да умнуллубат!

ХОВРОВ ВАСИЛИЙ РОМАНОВИЧ
(1924-2004)

1924 сыллаахха I Курбуһах нэһилиэгэр Мох-
хоҕо Роман Абрамович уонна Мария Анисимов­
на Ховровтар дьиэ кэргэннэригэр төрөөбүт. Аҕата
иккилээҕэр, ийэтэ уон биир саастааҕар өлөннөр,
кырачаан Баһылай үс нэһилиэгинэн аймахтарын
кэрийэн улааппыт. Уон сэттэ саастааҕар аан дойду-
ну аймаабыт алдьархайдаах сэрии саҕаламмыт, сут,
кураан сатыылаабыт.
1943 сыллаахха Бороҕоҥҥо 6 кылааһы бүтэрэн
баран, салгыы холкуоска үлэлии сылдьар уол аар-
мыйаҕа ыҥырыллыбыт. Саха сириттэн 800-тэн тах-
са эдэр уолаттары барыларын Монголия сиригэр
аҕалан, араас чаастарга тарҕаппыттар. Василий Ховров биир дойдулааҕа
М. П. Бурцевтыын Забайкальскай байыаннай уокурук 284-с стрелковай
дивизиятын 74-с полкатын 3-с батальонун 20-с ротатыгар түбэһэн, снай-
перскай курска үөрэммиттэр. 1945 сыллаах сайын сыралҕан куйааска Ис
Монголия кумах куйаарын устун 13 күн устата сатыы айаннаан, Хинган
хайатын анныгар тиийбиттэр. Атырдьах ыйын 9 күнүгэр арҕаа сэрииттэн
кэлбит механизированнай чаастар көмөлөрүнэн, Япония сэриитин бөҕөр-
гөнүүтүн тоҕо солоон Маньчжурия сиригэр өтөн киирбиттэрэ.
Кыайыыны Мукден куорат таһыгар көрсүбүттэр. Японияны кыайыы
кэнниттэн Сахалиннааҕы муора флотун пехотатыгар Корсаков куоракка су-
лууспалаабыт.
1947 сыллаахха дойдутугар кэлээт, кини төрөөбүт оройуонугар рядовой
милиционерынан үлэҕэ киирбит. 1949-1954 сылларга ИДьМ Иркутскай-
дааҕы орто офицерскай састаабы бэлэмниир оскуолатыгар курсаннаабыт.
Бу оскуоланы милиция младшай лейтенана званиелаах бүтэрбит. Пенсияҕа
тахсыар диэри Үөһээ Халыма, Уус Алдан, Аллайыаха, Нам, Мэҥэ Хаҥалас
оройуоннарыгар, Мирнэй куоракка Ис дьыала министерствотын тэрилтэ-
лэригэр үтүө суобастаахтык үлэлээбит. Василий Романович ханна да үлэ-
лээбитин иһин бэйэтин дьыалатыгар үрдүк бэриниилээҕин көрдөрбүт.
В. Р. Ховров 1955 сылтан ССКП чилиэнэ, Аҕа дойду сэриитин II ис-
тиэпэннээх уордьанын, «Японияны кыайыы иһин», «Милицияҕа эҥкилэ
суох үлэтин иһин» I, II, I I I истиэпэннээх мэтээллэр, ону тэҥэ Кыайыы
үбүлүөйүнэй мэтээллэрин кавалера, милиция туйгуна.

185