Page 56 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

сэриилэһэн Кытайынан, Маньчжуриянан, хас да дэриэбинэлэри ааһан,
Большой Хинганы уҥуордаан күһүн Чанчун диэн тимир суол станцияты-
гар тиийбиппит. Станцияҕа поезд бөҕө турара. Ол поеһынан арҕаа сэрии
сэбин таспыттара. Аара суолга киһи өлүүтэ, тоһуурга түбэһии элбэх этэ,
өмүтүннэрэн саба түһэллэрэ. Сэтинньи ыйга урукку олорбут сирбитигэр
төннөн кэлэн, 1947 сылга диэри 57 армияҕа танковай чааска пулеметчи-
гынан сулууспалаабытым».
1947 сыллаахха демобилизацияланан дойдутугар кэлбит. Холкуоска, кэ­
лин интернат-оскуолаҕа үлэлээбит.
1996 сыл ахсынньы ыйга ыалдьан өлбүт. Сэттэ оҕолоох, элбэх сиэннээх,
хос сиэннэрдээх.

Күннэтэ ахсаабакка кыһаллан... : (ыйынньык) : [Курбуһах орто интернат-оскуо-
латын техническэй үлэһиттэрэ]. — Уус Күөлэ, 2012. — С. 23.
Биһиги Улуу Кыайыыны үйэтитээччилэрбит = Мы наследники Великой Побе­
ды. — Кн. 3. — Дьокуускай, 2021.— С. 127-130.

БУРНАШЕВ ГАВРИЛ АКИМОВИЧ
(1900-1957)

1900 сыллаахха II Курбуһах нэһилиэгэр Бурна-
шев Аким Николаевич дьиэ кэргэнигэр төрөөбүт.
Сэрии буолуор диэри «Толоон Эбэ» холкуоска
үлэлээбит.
1941 сыл атырдьах ыйын 28 күнүгэр Чурапчы-
тааҕы байыаннай комиссариатынан бастакы хомуур-
га ыҥырыллан сэриигэ барбыт. 1941 сыллаахха
177 стрелковай дивизия 225 стрелковай полкатын
танковай биригээдэтигэр, 1942 сыллаахха 86 стрел-
ковай полк 59 автосанитарнай ротатыгар пехотинец
рядовойунан сылдьыбыт. Кырыктаах кыргыһыыга
бэйэтин харыстаммакка сэриилэспит.
Курскай туһаайыытынан сэриилэһэ сылдьан ыараханнык бааһыран,
өйө-төйө суох сыттаҕына санитарка булан быыһаабыт. Хас да госпитальга
эмтэнэн, арыый үтүө буолбутун кэннэ 1943 сыллаахха атырдьах ыйыгар
дойдутугар ыыппыттар. Сэриигэ ылбыт бааһа оһон биэрбэккэ өр эрэйдээ-
бит. Ол да буоллар хонуу биригэдьииринэн 8 сыл устата үлэлээбит. Онтон
ыарахан үлэни кыайыа суох буолан Уус Күөлүгэр көһөн киирбит.
54