Page 46 - Сахаайа Ермолаева Күөрэгэйим ыллаата

61 Тыаһаан-сырдаан, хайаттан
Таас үрүйэ кылыбырайар.
Санаабар, онно кыттап,
Саха оҕото чаҕаарыйар.

Үтүо көҥүлгэ коҕүйэр
Үчүгэйкээн үрүйэ
Үйэлэргэ сүүрдүбүтэ.

Оттон саха норуота
Оннук буолуо дуо, дьылҕата?

62 Аттыбар аргыстарым
Арааһы кэпсэтэллэр.
Оҕонньоро этэр:
"Урукку сахалар
Оҕустарын мииннилэр да —
Олоҥхолоон дьиэрэтэллэрэ.
Аныгы сахалар
Аһыылларын да умналлар —
Араатардыыллар, куолулууллар.
Эдэрчитэ мүчүк гынар:
"Эрэйдээхтэр, билиҥҥилэр
Олохторун үтүктэн эрдэхтэрэ..."
Оҕонньоро кэҕис гынар:
"Оо, бары попутайдар буоллубут..."

63 Улуулар эппиттэр:
"Уопсастыба сайдыыта
Спираль курдук..." — диэбиттэр.

Итини эмиэ
Иилээн-саҕалаан ойдөөбөппүн:
Т ордүн-төбөтүн
Тотторү-таары атастаһыннардахха,
Спираль — куруһуна
Эргиирэ тоҕо уларыйбатый?
44