Page 42 - Сахаайа Ермолаева Күөрэгэйим ыллаата

50 "Бэҕэһээ куһаҕаныык олорбуппут,
Бүгүн дьэ үчүгэйгэ кэллибит!" — диэн,
"Отрицание отрицания" сокуонугар
Олоҕуран түмүк оҥорооччулар
Сахаларга да элбээтилэр,
Санаабын өрө-таҥнары ытыйдылар.

Ол иһин ыйытарга күһэлинним:
"Оччоҕо эһиги коррупционердары,
Ол-бу ыар буруйу оҥорооччулары,
Онтон да атын алдьархайдары,
Үлэни булбакка муҥнаныылары... —
Үйэбит сайдыыта диигит дуо?!"

51 Мин дьонтон атаҕастаннахпына —
Чоҥоро чүөмпэҕэ кубулуйабын.
Ким эрэ сылаастык сыһыаннастаҕына —
Күннээх колүччэҕэ уларыйабын.

Дьон барыта оннугун сэрэйэбин...
Онно булабын — тэҥнэһиибин.

Тэҥнэһии баарыттан сэгэйэ үөрэбин,
Мууһа барбыт үрэхтии сүүрүгүрэбин.

52 Коно-мааны дьүогэлэрим
Күлэ-оонньуу хаадьылыыллар:
"Аны гонорар суох...
Айя, тоҕо суруйаҕын?
Аатыраары?.."

Кыыһырбакка,
Кырдьыкпын аһабын:
"Ааҕааччылыын санаабын
Аһаҕастык атастаһан,
Тугу таба толкуйдуурбун,
Тугу сыыһа сыаналыырбын
Билээри суруйабын".

40