Page 5 - Агабыт туьунан иьирэх тылынан

ААН ТЫЛ

Элбэх киһи көмүс уйата буолбут,
ынах сүөһү, сылгы тоҕуоруһан үөскээ-
бит Кэлэдимэ алаас үтүө дойду
буоллаҕа. Кини соҕурууттан хоту үс
биэрэстэ усталаах, биир биэрэстэ кэ-
риҥэ туоралаах, хоту өттүгэр Дулҕа-
лаах диэн кыра гынан баран дириҥ
күөллээх. Онтон салгыы Хомустаах,
Сыгынньах, Кумахтаах, Маттаҕа диэн
кус-хаас төрүүр-үөскүүр, түһэн сын-
ньанан, аһаан ааһар, мунду, собо
балыктаах күөллэрдээх этэ.
Отутус сыллар саҕана чугастааҕы ыаллар холбоһон Кэлэ-
димэ диэн холкуоһу тэрийэннэр, бэрэссэдээтэлинэн Василий
Ушницкай диэн киһи үлэлээбитэ. Бастакы ааҕар балаҕан эмиэ
манна аһыллыбыта биллэр. Бу үтүө дойдуга Ойуун аҕатын
ууһуттан төрүттээх Хонооһой, Уйбаан Уйбаныаптартан төрөөн-
ууһаан, тэнийэн бу эҥээр үлэлээн-хамсаан олорбуттара.
Иван Иванович Иванов Маппый диэн уола Бээрийэттэн
төрүттээх Иванова (Васильева) Анна Степановнаны кэргэн
ылан, Кэлэдимэ Маттаҕатыгар ыал буолан олорбуттара. Ки-
нилэр биэс оҕоҕо күн сирин көрдөрөн, сүөһү ииттэн бас-
такынан холкуоска киирэн үлэлээн-хамсаан, аныгы олох
ирдэбилигэр барытыгар көхтөөхтүк кыттан, холкуостары
бөдөҥсүтүүгэ, бөһүөлэги улаатыннарыыга, ааҕар балаҕа-
ны, оскуоланы арыйыыны, ыраас олоҕу өйөөн быр-бааччы
олорбуттара. Оҕолоро: Иванов Николай Матвеевич (1925­
2013) - сэрии, үлэ бэтэрээнэ, сэттэ оҕолоох; Иванова (Ро-
жина) Александра Матвеевна (1926-2016) - алта оҕолоох;
Иванов Константин Матвеевич (1927-2015) - үлэ бэтэрээнэ,
биир уол оҕолоох; Иванов Петр Матвеевич (1928-2002) - үлэ
бэтэрээнэ, биир уол оҕолоох; Иванов Иннокентий Матвеевич
(1929-2013) - үлэ бэтэрээнэ.
Ньукулай ыал улахан оҕото буолан, үлэҕэ-хамнаска
сыстаҕас, айылҕа бары кэрэтин кэрэхсии, кырдьаҕас дьон
кэпсээнин сэргии улааппыта. Ол иһин кини уһун олоҕор
олох бары эрэйин билэн, үтүөтүн барытын өйүгэр-санааты-
гар иҥэринэн, оҕолорун үлэ ымпыгар-чымпыгар дириҥник
үөрэппит аҕа, эһэ буолар. Кэргэнинээн Аграфена Власьевна-
лыын сэттэ оҕоҕо күн сирин көрдөрөн, иитэн, улаатынна-
ран, үөрэттэрэн үлэһит оҥортообуттара. Элбэх сиэннээхтэр,
хос сиэннээхтэр.

3