Page 7 - Агабыт туьунан иьирэх тылынан

> <

Николай Матвеевич Иванов ахтыылара

Ивановтар төрүттэрэ

Ивановтар былыр бастакы араспаанньалара Ушницкай-
дар диэн эбитэ үһү. Ону биир уол (Ушницкай): «Кэнэҕэски ыч-
чаттарым Ивановтар диэн буоллуннар» - диэн араспаанньа-
тын (Ушницкайы) манньа биэрэн Ивановка уларыттарбыта
үһү. Оччотооҕуга кини олорор сиригэр Ушницкай диэн элбэх,
Иванов диэн суоҕа үһү. «Мин кэнники ыччаттарым Ивановта-
рынан бэйэлэрин билсиһэр буоллуннар» диэбитэ үһү. Оттон
туох манньа биэрбитим билбэтим. Ол уол ырыаһыт, тойуксут,
кэпсээнньит, ойуун идэлээҕэ үһү. Ол иһин кинини «Ойуун
ууһа» дииллэрэ үһү. Ити (кини) биһиги биир төрүппүт Көскөө
хос эһэтэ эбитэ үһү. Ити биирэ. Билигин биир атыны суруйа-
бын. Көскөө туһунан ол кэнниттэн.
Былыр, хайа үйэтэ биллибэт, Татарияттан дуу, чопчу хан-
нык сирэ биллибэт, биир олус күүстээх (бухатыыр киһини)
тутан Өнөргө аҕалбыттар. Илиитин иҥиирдэрин быһан, хан-
далылаан баран. Ол олус күүстээҕиттэн куттанан илиитин
иҥиирин быспыттара үһү. Аҕалбыт биричиинэлэрэ (Көскө)
уоруйаҕын иһин. Наар аты уорар идэлээх киһи эбит, дойдуту-
гар. Биһи төрүттэрбит киниттэн ууһаабыттара үһү. Саха дьах-
тарын кэргэн ылбыта үһү.
Билигин Көскөө туһунан. Ойуун ууһа дэнэр киһи уолун
уола Көскөө диэн ааттанар эбит. Көскөө аҕатын аатын олох
умнан кэбиспиппин. Көскөө үс уоллаах эбит. Миитэрэй (Дмит­
рий), Миичикэ уонна Уйбаан (Иван). Кыргыттар бааллара бил-
либэт Дьэ билигин бу үс уол оҕолорун туһунан.
Көскөө уола Миитэрэйтэн: Матырына, Өндүрэй, Мааппа,
Хабырыыс төрөөбүттэр. Оттон кыыһа Матырынатан: Васи­
лий Гаврильевич, Марфа Гаврильевна уонна Ылдьаа, Бүөтүр,
Мэхээсэ Гаврильевичтар диэн уолаттар бааллара. Ити уолат-
тартан Мэхээсэ уонна Бүөтүр оҕолоро суоҕа. Атыттар бары
оҕолоохтор. Үгүстэр Дүпсээҕэ бааллар. Араспаанньалара бары-
ларын да киэнэ Федоровтар. Федоров Ганя уонна Кыччымаан
диэннэр бааллара, ол аймах.

5