Page 6 - Агабыт туьунан иьирэх тылынан

Ньукулай электриктэр курстарыгар үөрэнэн, Тандаҕа
электричествоны бастакынан киллэрбит киһи буолар уонна
бочуоттаах сынньалаҥҥа барыар диэри үтүө суобастаахтык
үлэлээн, бэйэтин туйаҕын хатарар электриктэри үөрэтэн
хаалларбыта.
Тандаҕа дьиэ-уот туттан, нэһилиэк биир ытыктанар
ыалын аҕа баһылыга этэ. Иллэҥ кэмигэр уус-уран айымньы-
лары, хаһыаттары олоҕун тиһэх күннэригэр диэри ааҕара.
Наадалаах диэбит суруйууларын аннынан бэлиэтиир, су-
рукка тиһэр биир ураты идэлээҕэ. Айылҕа уларыйыыларын,
үһүйээннэри, айылҕаҕа тапталын хоһуйан, үлэһит дьон бас-
тыҥын, дойдуга таптал туһунан үгүс хоһоону суруйан хаал-
ларбыта.
Биһиги убаастыыр, ытыктыыр киһибит, аҕабыт, аймах-
пыт сэрии, тыыл, үлэ бэтэрээнэ Николай Матвеевич Иванов
быйыл төрөөбүтэ 100 сылын туолла. Онно анаан уола Инно­
кентий Николаевич матырыйаал хомуйан, бу кинигэни бэ-
чээккэ бэлэмнээтэ. Кинигэҕэ Ньукулай муспут, суруйбут
бэлиэтээһиннэрэ, хоһоонноро киирдилэр. Ааҕааччы киэҥ
араҥатыгар, аймахтарыгар, сиэттэригэр ананар. Н.М. Ива­
нов олоҕун элбэх оҕото, сиэннэрэ, бииргэ төрөөбүттэрин
удьуордара салгыахтара, дойдуларыгар туһалаах дьон буо-
луохтара диэн эрэнэбит.

Дмитрий Иванович ИВАНОВ, быраата,
Өнөр, Дүпсүн нэһилиэктэрин
социальнай-экономическай сайдыыларыгар кылаатын иһин,
«Саха АССР 100 сыла» бэлиэлэр хаһаайыннара

4